Вы тут

Міжуніверсітэцкі квіз «Эканомік-ON!» пройдзе 9 снежня і збярэ 25 каманд


Ініцыятарамі яго правядзення выступілі студэнты эканамічнага факультэта БДУ пад кіраўніцтвам дацэнта кафедры міжнароднай палітычнай эканомікі Ірыны Лаўрухінай. Мерапрыемства арыентавана на папулярызацыю эканамічных ведаў сярод моладзі праз укараненне сучасных форм у вывучэнні гэтай сферы.


На інтэлектуальны бой збяруцца 25 студэнцкіх каманд з БДУ, БДЭУ, БДУІР і БНТУ. Гэта больш за 140 прадстаўнікоў факультэтаў не эканамічнага профілю. На працягу дзвюх гадзін ім трэба будзе прайсці чатырохэтапны квіз. Заданні будуць прадстаўлены ў выглядзе карцінак, рэбусаў, відэа-пытанняў. Таксама трэба будзе па апісанні адгадаць тэрмін, дапоўніць цытату, здагадацца, што знаходзіцца ў чорнай скрыні. Усяго эрудыты адкажуць на 30 пытанняў, звязаных з базавымі паняццямі, канцэпцыямі эканомікі і ключавымі сусветнымі фінансавымі падзеямі.

Ацэняць якасць адказаў студэнты і выкладчыкі эканамічнага факультэта БДУ. Пераможцаў узнагародзяць памятнымі падарункамі.

Гэта ініцыятыва ўключае таксама распрацоўку студэнтамі-эканамістамі БДУ дыдактычных матэрыялаў для падрыхтоўкі да квізу. Карысныя матэрыялы даступныя ў групе праекта «УКантакце» (https://vk.com/economic_on) і «Інстаграм» (https://instagram.com/economic_on?utm_medium=copy_link). Акрамя таго, на гэтых платформах можна пазнаёміцца з удзельнікамі мерапрыемства.

Надзея НІКАЛАЕВА

Прэв’ю: pexelscom

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».