Вы тут

Філіял кафедры юрыспрудэнцыі адкрыўся ва ўпраўленні Следчага камітэта ў Магілёве


Філіял кафедры юрыспрудэнцыі адкрыўся ва ўпраўленні Следчага камітэта па Магілёўскай вобласці, расказаў БелТА рэктар Магілёўскага дзяржаўнага ўніверсітэта МДУ ім. А.А. Куляшова Дзяніс Дук.


«Сёння ва ўрачыстай абстаноўцы быў падпісаны мемарандум аб супрацоўніцтве паміж нашай ВНУ і ўпраўленнем Следчага камітэта па Магілёўскай вобласці. Цяпер у нашых студэнтаў з’явілася база для практык, тут можна займацца навуковымі пошукамі, праводзіць сумесныя лекцыі, абменьвацца вопытам», — расказаў рэктар.

Па словах рэктара, каля 100 чалавек, якія працуюць ва УСК па Магілёўскай вобласці, — выпускнікі спецыяльнасці «юрыспрудэнцыя». «Яны навучаліся на спецыяльнасці „юрыспрудэнцыя“, прайшлі адбор, зарэкамендавалі сябе. Гэта даволі вялікі працэнт выпускнікоў, што гаворыць аб тым, што на працягу многіх гадоў традыцыя адбору кадраў з грамадзянскай ВНУ, якой мы з’яўляемся, у Следчы камітэт працягваецца. А адкрыццё філіяла кафедры дазволіць гэту традыцыю ўзмацніць. Для рабят гэта выдатная пляцоўка для атрымання дадатковых ведаў, практыка. Студэнты змогуць з першых вуснаў даведвацца аб новых метадах работы спецыялістаў УСК у раскрыцці злачынстваў. У рамках курсавых і дыпломных работ гэтыя веды можна развіваць», — падкрэсліў Дзяніс Дук.

Пасля ўрачыстага мерапрыемства начальнік упраўлення Следчага камітэта па Магілёўскай вобласці Уладзімір Шалухін правёў сустрэчу са студэнтамі ВНУ, падчас якой адказаў на пытанні.

Прэв’ю: pexels.com

Выбар рэдакцыі

Грамадства

Інавацыі ў будаўнічай навуцы. Як стварыць тое, што ніхто дагэтуль не ствараў?

Інавацыі ў будаўнічай навуцы. Як стварыць тое, што ніхто дагэтуль не ствараў?

Будаўнічыя ідэі распрацоўваюцца ў лабараторыі аднаго брэсцкага вучонага.

Спорт

Аляксей Хатылёў: Ад Пекіна не варта чакаць хуткіх секунд

Аляксей Хатылёў: Ад Пекіна не варта чакаць хуткіх секунд

Неўзабаве ў Пекіне запаліцца агонь XXІV зімовых Алімпійскіх гульняў.

Культура

Васіль Цішкевіч: Кожны чалавек — у рознай ступені краязнаўца...

Васіль Цішкевіч: Кожны чалавек — у рознай ступені краязнаўца...

З Васілём Цішкевічам, навуковым супрацоўнікам Слуцкага краязнаўчага музея, мы знаёмыя даўно.