У віцебскай ратушы заўтра адкрываецца выставачны праект магілёўскага майстра гістарычнай рэканструкцыі Аляксандра Харламава «Паляванне на ведзьмаў»
Як паведамілі «Звяздзе» ў Віцебскім абласным краязнаўчым музеі, на выстаўцы прадстаўлены мадэлі сярэднявечных прылад катаванняў і маскі ганьбы перыяду інквізіцыі XIV-XVIII стагоддзяў, вырабленыя аўтарам па старажытных гравюрах, гістарычных матэрыялах і архіўных дакументах.
Катаванне — гэта прычыненне чалавеку моцнага фізічнага болю або маральных пакут. Часта катаванні проста выкарыстоўвалі, каб пасеяць у грамадстве страх. Існуе мноства розных метадаў катавання. Яны могуць мець фізічны і псіхалагічны характар.
Катаванні з даўніх часоў выкарыстоўваліся для пакарання чалавека за яго правіны, з іх дапамогай атрымлівалі інфармацыю ад ваеннапалонных і падазраваных у здзяйсненні якога-небудзь злачынства. Асартымент прылад катаванняў досыць разнастайны — ад самых прымітыўных прыстасаванняў да складаных канструкцый, якія выкарыстоўваюцца і ў нашы дні.
Сярод экспанатаў, прадстаўленых на выставачным праекце «Паляванне на ведзьмаў» — крэсла допыту, іспанскі бот, дудка крыкуна, пояс вернасці, скрыпка пляткарак і іншыя.
Выстава будзе працаваць па 28 лютага 2022 года.
Аляксандр ПУКШАНСКІ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
