Спробу незаконнага перамяшчэння з Расіі ў Беларусь прадуктаў харчавання на суму больш за 15,6 тысячы рублёў спынілі віцебскія мытнікі.
Факт незаконнага перамяшчэння прадуктаў харчавання з тэрыторыі суседняй краіны быў устаноўлены супрацоўнікамі Віцебскай мытні пры правядзенні спецыяльнага мерапрыемства ў Лёзненскім раёне.
Мытнікі спынілі грузавы мікрааўтобус Mercedes-Benz Sprinter, у якім знаходзілася больш за пяцьдзесят найменняў прадуктаў харчавання: мясамалочная прадукцыя, кандытарскія вырабы, рыба, напоі, грэцкія арэхі, ікра. На прадукцыю агульным коштам каля 15,6 тысячы рублёў у вадзіцеля не аказалася таварасуправаджальных дакументаў, у тым ліку і фітасанітарных сертыфікатаў.
Віцебскай мытняй распачаты адміністрацыйны працэс. Санкцыя артыкула прыводзіць да накладання штрафу да паловы ад кошту прадмета адміністрацыйнага правапарушэння.
У адносінах да часткі тавару, па прычыне адсутнасці ветэрынарных сертыфікатаў, якія пацвярджаюць якасць і бяспеку прадукцыі, прынята рашэнне аб вяртанні прадукцыі ў Расійскую Федэрацыю.
Аляксандр ПУКШАНСКІ
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.