Вы тут

Пераможцаў Рэспубліканскага конкурсу «Працоўны семестр» назавуць 10 снежня


Падчас фіналу марафону студэнцкіх атрадаў «Маладосць. Праца. Адзінства» ў Мінску адбудзецца афіцыйнае закрыццё трэцяга працоўнага семестра з ушанаваннем пераможцаў рэспубліканскага конкурсу «Працоўны семестр». 


Ва ўрачыстым мерапрыемстве прымуць удзел больш за 500 чалавек — байцы, камандзіры і камісары студэнцкіх атрадаў з усіх рэгіёнаў краіны, ветэраны студатрадаўскага руху, кіраўнікі арганізацый, якія прымаюць беларускія студэнцкія атрады, прадстаўнікі органаў заканадаўчай і выканаўчай улады.

У ходзе цырымоніі ўзнагароджання стануць вядомыя імёны пераможцаў рэспубліканскага конкурсу ў 16-ці намінацыях.

Безумоўна, самая чаканая падзея ўрачыстасці — уручэнне сімвалаў шматгадовых традыцый беларускага студатрадаўскага руху — пераходзячага сцяга лепшаму студэнцкаму атраду маладзёжнай будоўлі і пераходзячага сцяга лепшай прымаючай арганізацыі.Студатрадаўскі рух адзін з вядучых напрамкаў дзейнасці Беларускага рэспубліканскага саюза моладзі. У перыяд з 1 студзеня па 1 снежня бягучага года Рэспубліканскім штабам студэнцкіх атрадаў былі працаўладкаваны 33538 чалавек у складзе 2383 студэнцкіх атрадаў розных профіляў: 11002 чалавекі шчыравалі ў 681 сельскагаспадарчых атрадах, 8079 чалавек — у 615 сэрвісных атрадах, 4640 чалавек — у 351 педагагічных атрадах, 3994 чалавек — у 274 экалагічных атрадах, 2992 чалавекі — у 234 будаўнічых атрадах, 2424 чалавекі — у 185 вытворчых атрадах, 208 чалавек — у 26 медыцынскіх атрадах. І 249 чалавек працавалі ў складзе 17 студэнцкіх атрадаў за межамі Беларусі: маюцца на ўвазе педагагічныя і сэрвісныя атрады ў ВДЦ «Арляня», будаўнічы атрад — удзельнік Міжнароднай студэнцкай будоўлі «Кузбас 300», сэрвісны атрад у ТАА «Амега», педагагічны і сэрвісны ў дзіцячым спартыўна-аздараўленчым комплексе «Жамчужына».

Варта адзначыць, што ў 2021 годзе Рэспубліканскім штабам працоўных спраў рэалізаваны шэраг рэспубліканскіх маладзёжных працоўных праектаў, такіх як будаўнічы «Горад маладосці» (Усебеларуская маладзёжная будоўля ў Астраўцы), вытворчы — «Атлант 2021» на базе ЗАТ «Атлант» у Мінску, сельскагаспадарчы — «Талачын» на сельскагаспадарчых пляцоўках РУП «Талачынскі кансервавы завод» і іншыя.

Статус абласной (гарадской) маладзёжнай будоўлі ў 2021 годзе атрымалі будаўніцтва шматфункцыянальнага медыцынскага цэнтра ў Брэсце, сярэдняй школы ў мікрараёне № 96 Гомеля, кардыятэрапеўтычнага корпуса на тэрыторыі Магілёўскай абласной клінічнай бальніцы, рэканструкцыя корпуса Кадэцкага вучылішча ў Полацку і рэканструкцыя вуліцы Гагарына ў горадзе Віцебску, комплексу будынкаў Гарадской клінічнай бальніцы № 3 у Гродне. 

Самым маштабным праектам студэнцкіх атрадаў у Год народнага адзінства стаў рэспубліканскі марафон студэнцкіх атрадаў «Маладосць. Праца. Адзінства», які стартаваў 15 верасня ў Мінску, прайшоў за гэты час ва ўсіх кутках краіны ў фармаце студатрадаўскага свята з падвядзеннем вынікаў трэцяга працоўнага семестра і ўшанаваннем найлепшых удзельнікаў руху.

Завершыць праграму марафона трохдзённы Усебеларускі злёт студэнцкіх атрадаў «Час руху».

Надзея НІКАЛАЕВА

Прэв’ю: pixabay.com

Выбар рэдакцыі

Культура

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

 У 2019 годзе прэміяй «За духоўнае адраджэнне» былі адзначаны перакладчыкі Бібліі на беларускую мову.

Палітыка

Алег Іваноў: Наша супрацоўніцтва — вуліца з двухбаковым рухам

Алег Іваноў: Наша супрацоўніцтва — вуліца з двухбаковым рухам

У бягучым годзе стартуе рэалізацыя 28 інтэграцыйных праграм Саюзнай дзяржавы.

Грамадства

Чым прыцягвае гісторыя ваеннай авіяцыі бераставіцкіх аматараў тэхнічнай творчасці

Чым прыцягвае гісторыя ваеннай авіяцыі бераставіцкіх аматараў тэхнічнай творчасці

Ідэя стварыць гурток авіямадэлістаў у нейкім сэнсе звязана і з размяшчэннем побач з райцэнтрам былога ваеннага аэрадрома.

Грамадства

Інавацыі ў будаўнічай навуцы. Як стварыць тое, што ніхто дагэтуль не ствараў?

Інавацыі ў будаўнічай навуцы. Як стварыць тое, што ніхто дагэтуль не ствараў?

Будаўнічыя ідэі распрацоўваюцца ў лабараторыі аднаго брэсцкага вучонага.