Вы тут

Магілёўскі інстытут МУС даў старт марафону добрых спраў


Калі дакладна, то гэта хутчэй працяг эстафеты. Бо тут існуе традыцыя дапамагаць на працягу года тым, хто знаходзіцца ў цяжкай жыццёвай сітуацыі. Па словах начальніка ВНУ генерал-маёра Валерыя Палішчука, для будучага афіцэра, які стаіць на варце інтарэсаў грамадства, гэта асноўнае правіла. Як сенатар ён апякуе ў Магілёўскай вобласці Мсціслаўскі, Дрыбінскі і Горацкі раёны.


Гэтым разам нагодай для візітаў стаў Міжнародны дзень інвалідаў. Для аддзялення кругласутачнага знаходжання грамадзян пажылога ўзросту і інвалідаў у аграгарадку Пудаўня Дрыбінскага раёна былі закуплены інвалідная каляска і іншыя патрэбныя ў бытавым карыстанні прадметы, пастаяльцам дома-інтэрната для пажылых людзей і інвалідаў у пасёлку Андраны Мсціслаўскага раёна перададзены цёплыя рэчы і хатнія кансервы, а шматдзетная сям'я Жукавых з Пудаўні атрымала тры ровары і салодкія падарункі. Удзел у акцыі па зборы цёплых рэчаў і прадуктаў харчавання бралі як выкладчыкі інстытута, так і курсанты. Хтосьці перадаваў вязаныя шкарпэткі, нехта — слоік з варэннем. У справах дабрачыннасці важна прасякнуцца духам міласэрнасці, абудзіць у душы патрэбную гаму. Эмоцыі застануцца і замацуюцца. Па сутнасці, увагай адной установы было ахоплена каля 140 чалавек. Валерый Палішчук заўсёды на сувязі з кіраўніцтвам сацыяльных устаноў і бацькамі шматдзетнай сям'і з Пудаўні. Тыя ж ровары — гэта пажаданне дзяцей, бо іх у сям'і восем, а ровар быў адзін.

— Сёння мы аказалі дапамогу пажылым людзям і шматдзетнай сям'і, а ў хуткім часе запланавана нямала мерапрыемстваў, дзе мы павіншуем з надыходзячымі святамі ўсіх тых, хто чакае нашай дапамогі, — адзначыў сенатар. — Пачуццё адказнасці, традыцыі афіцэрства, неабходнасць падставіць плячо ў патрэбны момант і аказаць дапамогу — на такіх прынцыпах мы выхоўваем нашых курсантаў. А яны ўжо па ланцужку перадаюць гэтыя паняцці іншым.

Наперадзе яшчэ шмат дабрачынных візітаў да тых, з кім установа падтрымлівае пастаянныя сувязі і каму патрэбнае садзейнічанне. Сярод іх — былы супрацоўнік інстытута, які мае інваліднасць, — Дзяніс Варэннікаў. Для яго сабраны грашовыя сродкі, яны пойдуць на набыццё дарагіх сродкаў медыцынскага догляду. А яшчэ адзінокая пенсіянерка Вольга Еўдакімаўна Пахоменка. Прадстаўнікі інстытута МУС наведаюць таксама сацыяльныя ўстановы, шматдзетныя сем'і і дзіцячыя цэнтры рэабілітацыі ў Горацкім, Магілёўскім і Мсціслаўскім раёнах.

Нэлі ЗІГУЛЯ

Фота Марыны ГРАМЫКІ

Загаловак у газеце: Ровары, цёплыя шкарпэткі і хатнія прысмакі

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».