Вы тут

Юніёрская зборная Беларусі па хакеі выступіць на Еўрапейскім юнацкім алімпійскім фестывалі


У фінскім горадзе Вуакацці быў запалены агонь XV зімовага Еўрапейскага юнацкага алімпійскага фестывалю. Асноўная частка форуму пройдзе 20-25 сакавіка 2022 году. Але хакейны турнір сярод юнакоў вырашылі правесці падчас міжнароднай паўзы ў снежні 2021 года. Удзел у турніры прыме і беларуская юніёрская зборная. На гэтым фестывалі статус хакейных спаборніцтваў будзе вышэйшым, чым раней. Сёлета ўдзельнічаць будуць юніёрскія зборныя U-18, а раней спаборнічалі каманды U-17.


Фота: Федэрацыя хакея Беларусі.

Планавалася, што ў Вуакаці выступіць шэсць хакейных каманд. Але за некалькі дзён да старту НАК Швейцарыі адмовілася ад удзелу ў хакейных спаборніцтвах з-за новых эпідэміялагічных абмежаванняў. У сувязі з гэтым змяніўся фармат турніру. Пераможцы і прызёры будуць вызначаны па выніках аднакругавога турніру. Кожная каманда правядзе па чатыры гульні.

Першымі сапернікамі беларускіх хакеістаў стануць равеснікі з Расіі. Затым беларусы сустрэнуцца з прадстаўнікамі Фінляндыі, Латвіі і Чэхіі.

Расклад выступленняў беларускай каманды

14 снежня, аўторак

19:30 Расія — Беларусь

15 снежня, серада

19.30 Беларусь — Фінляндыя

16 снежня, чацвер

16.00 Латвія — Беларусь

17 снежня, пятніца

15:30 Беларусь — Чэхія

Час пачатку матчаў — беларускі.


У каманду галоўны трэнер Андрэй Міхалёў уключыў наступных гульцоў.

Варатары: Лорэнс Зінадзін (2004, Ліда), Ян Шастак (2004, Дынама-Маладзечна);

Абаронцы: Мікіта Жыхараў (2004), Уладзіслаў Пашута (2004), Іван Шаціла (2004), Іван Юхневіч (2004, усё — Беларусь U18), Уладзіслаў Навумаў (2004, Металург), Павел Камко (2004, Алмаз, Чарапавец, Расія, МХЛ);

Нападаючыя: Іван Аношка (2004, Дынама-Маладзечна), Дзмітрый Тукач (2005), Леанід Булгакаў (2004), Арсень Каўгарэня (2005), Сямён Маршчанок (2005), Мацвей Маршчанок (2005), Аляксандр Мурамцаў (2004) (2004), Мацвей Ладуцька (2005), Максім Якунін (2004), Данііл Амялюсік (2004), Мацвей Шыдлоўскі (2004, усе — Беларусь U18).

Еўрапейскія юнацкія алімпійскія фестывалі праводзяцца раз у два гады. На двух папярэдніх беларускія хакеісты станавіліся сярэбранымі прызёрамі.

Валерыя СЦЯЦКО

Выбар рэдакцыі

Грамадства

Як сэканоміць на «камуналцы»? Інструкцыя ад спецыялістаў

Як сэканоміць на «камуналцы»? Інструкцыя ад спецыялістаў

Хто мае права на вяртанне грошай, а хто — заплаціць цалкам.

Культура

Канкурсант ад Беларусі на «Віцебск-2022» Ганна Трубяцкая: Маладыя маюць права быць на вялікай сцэне

Канкурсант ад Беларусі на «Віцебск-2022» Ганна Трубяцкая: Маладыя маюць права быць на вялікай сцэне

Артыстка з чароўным голасам сёлета прадставіць Беларусь на конкурсе эстраднай песні «Віцебск—2022».

Грамадства

Як самі бацькі псуюць сваіх дзяцей? 5 галоўных памылак дарослых. Не рабіце так ніколі

Як самі бацькі псуюць сваіх дзяцей? 5 галоўных памылак дарослых. Не рабіце так ніколі

Выхаванне дзяцей — не самая простая задача. Капрызы, істэрыкі — гэта толькі частка праблем, з якімі сутыкаюцца сучасныя бацькі.

Грамадства

Рызыкі лічбавай прасторы. Як не трапіць на вуду інтэрнэт-махляроў

Рызыкі лічбавай прасторы. Як не трапіць на вуду інтэрнэт-махляроў

Цалкам вырашыць праблему кібернебяспекі немагчыма.