Вы тут

Ігар Гедзіч: «Да канца тыдня фармат арганізацыі адукацыйнай работы з дзецьмі бежанцаў будзе вырашаны»


Каардынатар дзейнасці гуманітарнай місіі, член Пастаяннай камісіі Савета Рэспублікі па адукацыі, навуцы, культуры і сацыяльным развіцці расказаў, як арганізавана работа ў лагеры бежанцаў, які функцыянуе ў ТЛЦ «Брэміна-Брузгі» на беларуска-польскай мяжы. 


— Сёння 37-ы дзень знаходжання бежанцаў тут, усе службы працуюць у штатным рэжыме, — паведаміў ён журналістам. — Застаюцца ў транспартна-лагістычным цэнтры каля 800 бежанцаў.

Паводле яго слоў, прыём харчавання людзей арганізаваны ў адпаведнасці з распарадкам, таму не выклікае ніякіх пытанняў з арганізацыйнага пункту гледжання: прадуктаў хапае, на складах створаны двухтыднёвы запас харчавання. 

Што датычыцца арганізацыі медыцынскага забеспячэння, таксама нараканняў ніякіх: увесь час тут дзяжурыць брыгада хуткай медыцынскай дапамогі. 

— Ёсць патрэба ў некаторых леках — гэты момант таксама вырашаецца аператыўна: мы афармляем заяўку і закрываем тэму, — растлумачыў сенатар.

Ён адзначыў, што бежанцы больш звяртаюцца за медыцынскімі кансультацыямі: у прыватнасці, за мінулыя суткі іх было праведзена боль за сотню. 

— Гэтыя звароты не заўсёды рэгулярныя і маюць плаваючы характар: бывае 70, а бывае і сто зваротаў, — кажа Ігар Гедзіч. 
Паводле яго слоў, на стацыянарным медыцынскім абслугоўванні ў перынатальным цэнтры знаходзяцца тры нованароджаныя з матулямі, трое дарослых мужчын — ва ўніверсітэцкай клініцы. 

— Стан здароўя іх не выклікае заклапочанасці, ён стабільны, — падкрэсліў каардынатар дзейнасці гуманітарнай місіі.
Ён расказаў, што сёння на тэрыторыі ТЛЦ працуе прадстаўнік ЮНІСЕФ.

— Мы праводзім анкетаванне сярод дзяцей, дзе цікавімся, ці навучаўся дзесьці, высвятляем ўзровень адукацыі, валоданне той ці іншай мовай, — кажа Ігар Гедзіч. — На гэтым тыдні будзе прынята канчатковае рашэнне адносна фармату арганізацыі адукацыйнай і псіхалагічнай работы з дзецьмі, якую тут будуць праводзіць як нашы беларускія педагогі-псіхолагі, так і прадстаўнікі ЮНІСЕФ. 

Ён выказаў упэўненасць, што такі кірунак работы з дзецьмі правільны, бо і малыя, і жанчыны, якія тут знаходзяцца, заслугоўваюць увагі. 

Вольга АНУФРЫЕВА

Фота: БелТА

Выбар рэдакцыі

Культура

Выклік ці новы погляд? Ірына Рамбальская прадставіла незвычайную арт-інтэрвенцыю ў музеі Я.Коласа

Выклік ці новы погляд? Ірына Рамбальская прадставіла незвычайную арт-інтэрвенцыю ў музеі Я.Коласа

Ірына Рамбальская прадставіла незвычайную арт-інтэрвенцыю ў музеі Я.Коласа.