З 24 снежня галоўны банк краіны выпускае памятныя манеты серыі «Жывёльны свет на гербах гарадоў Беларусі»: «Зубр», «Алень», «Рысь», «Воўк», «Леў» — наміналам 2 рублі, дыяметрам 23,50 міліметраў, вырабленыя са сталі, пакрытай меддзю і латунню (кольца), і сталі, пакрытай меддзю і нікелем (сярэдзіна), масай 5,81 грам, тыражом 25 000 штук кожнага наймення.
Манеты маюць форму круга, з пярэдняга і адваротнага бакоў — кант, які выступае па акружнасці. Бакавая паверхня манет з надпісам БЕЛАРУСЬ, які паўтараецца, год чаканкі — 2021 і элементамі нацыянальнага арнаменту.
Аверс: у цэнтры — рэльефны відарыс Дзяржаўнага герба Рэспублікі Беларусь; па крузе надпісы: уверсе — БЕЛАРУСЬ, унізе — 2 РУБЛI, паміж імі — стылізаваная выява нацыянальнага арнаменту.
У рэверсе манет у цэнтры — на фоне геральдычнага шчыта выява галавы зубра, (аленя, рысі, ваўка і льва).
Манеты адчаканены на РДП «Казахстанскі манетны двор Нацыянальнага Банка Рэспублікі Казахстан» якасцю «анцыркулейтэд».
Выпушчаныя ў абарачэнне манеты з’яўляюцца законным плацежным сродкам Рэспублікі Беларусь і абавязковыя да прыёму па намінальным кошце пры ўсіх відах плацяжоў без усялякіх абмежаванняў. Інфармацыя аб чакаемых паступленнях, адпускных цэнах і наяўнасці памятных манет у касе Нацыянальнага банка Рэспублікі Беларусь, а таксама плануемых датах продажаў памятных манет размешчана на афіцыйным сайце Нацыянальнага банка ў раздзеле «Банкноты і манеты».
Сяргей КУРКАЧ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
