Пару навагодніх і калядных свят многія разглядаюць магчымасць дадатковых заробкаў. У гэтыя дні традыцыйна запатрабаваныя такія паслугі, як віншаванне з Новым годам і Калядамі ад Дзеда Мароза, яго ўнучкі Снягуркі. Акрамя таго, павышаным попытам карыстаюцца фота- і відэаздымка падзей, цырульніцкія і касметычныя паслугі, манікюр і педыкюр, дзейнасць акцёраў, танцораў, музыкантаў, выканаўцаў размоўнага жанру, тамады, якія можна ажыццяўляць па заяўным прынцыпе без рэгістрацыі ў якасці індывідуальнага прадпрымальніка.
У гэтым выпадку грамадзяне павінны ведаць, што такую дзейнасць яны могуць ажыццяўляць толькі пасля аплаты адзінага падатку. Як фізічным асобам, якія плануюць зарабіць на навагодніх і калядных святах легальна — у адпаведнасці з дзеючым заканадаўствам, і пазбегнуць адказнасці за яго парушэнне, расказаў намеснік начальніка інспекцыі Міністэрства па падатках і зборах па Мінскай вобласці Юрый Канавалаў:
— Напярэдадні навагодніх і калядных свят грамадзяне, якія плануюць стаць галоўнымі дзеючымі асобамі дзіцячых ранішнікаў і карпаратываў, павінны падаць у падатковы орган пісьмовае паведамленне, у якім трэба адзначыць, дзе і калі імі будзе ажыццяўляцца такая дзейнасць. Дарэчы, для гэтага неабавязкова ісці ў падатковую інспекцыю. Паведамленне можна адправіць праз асабісты кабінет плацельшчыка, седзячы дома на канапе. У сваю чаргу, падатковы інспектар, атрымаўшы такое паведамленне, разлічыць суму адзінага падатку ў залежнасці ад месца ажыццяўлення дзейнасці, стаўкі падатку і наяўнасці льгот.
Падкрэслю, што грамадзянін і сам можа даведацца суму падатку ў тым рэгіене, дзе ён плануе ажыццяўляць дзейнасць. Для гэтага трэба проста патэлефанаваць па кароткім нумары 189. І спецыялісты кантакт-цэнтра падатковых органаў падрабязна растлумачаць, якія крокі пры выплаце адзінага падатку неабходна зрабіць самазанятаму грамадзяніну — будучаму Дзеду Марозу або казачнаму чараўніку.
Дарэчы, калі фізічная асоба плануе аказваць некалькі паслуг з рознымі стаўкамі падатку, то адзіны падатак будзе выплачваць па найбольшай стаўцы. Адпаведна, калі стаўкі па розных відах дзейнасці супадаюць, дастаткова будзе заплаціць падатак у памеры адной стаўкі падатку (напрыклад, калі фізічная асоба на працягу аднаго каляндарнага месяца будзе працаваць музыкантам або акцёрам).
Пры аплаце адзінага падатку фізічныя асобы ў залежнасці ад наяўнасці падстаў маюць права карыстацца льготамі. Так, правам на льготу ў памеры 20 працэнтаў ад сумы падатку (пры наяўнасці адпаведных дакументаў) могуць карыстацца, напрыклад, пенсіянеры па ўзросце, інваліды, бацькі шматдзетнай сям'і, а таксама бацькі, якія выхоўваюць дзяцей-інвалідаў ва ўзросце да 18 гадоў.
Калі ў плацельшчыка адзінага падатку ёсць права на льготы па некалькіх падставах, то стаўка адзінага падатку будзе зніжана на 45 працэнтаў. Але ёсць і такая катэгорыя плацельшчыкаў, якая вызваляецца ад адзінага падатку пры наяўнасці адпаведных дакументаў, што пацвярджаюць такое права. Гэта плацельшчыкі-бацькі (усынавіцелі, удачарыцелі), якія з'яўляюцца інвалідамі І і ІІ групы і выхоўваюць непаўналетніх дзяцей або дзяцей, што атрымліваюць адукацыю на дзённай форме навучання. Памер ільготы па адзіным падатку для такіх грамадзян, якія плануюць зарабіць на навагодніх і іншых святах, складае 100 адсоткаў.
Фізічныя асобы, якія працуюць па заяўным прынцыпе на святах, у месцы аказання паслуг, павінны мець дакумент аб выплаце адзінага падатку. І няхай святы не толькі запомняцца ўсім навагоднімі падарункамі, цудамі, прыўзнятым настроем, але і прынясуць грамадзянам, што дапамагаюць зрабіць іх незабыўнымі і яркімі, дадатковыя даходы!
Таццяна ЛАЗОЎСКАЯ
Мерапрыемства праводзілася на добраахвотнай аснове.
Не выявіць ні секунды абыякавасці.
