Кіраўнік спраў Прэзідэнта Валерый Іваноў у рамках акцыі «Нашы дзеці» наведаў Рудзенскую дапаможную школу-інтэрнат, перадае БелТА.
Па словах Валерыя Іванова, напярэдадні Новага года адчуваецца атмасфера, якая абавязвае па-асабліваму ставіцца да гэтай падзеі. «Такія радасныя твары дзяцей не заўсёды ўбачыш на працягу года. На мой погляд, наша задача — зрабіць так, каб гэтыя вочы свяціліся кожны дзень, каб сум не наведваў маленькае дзіця — такога быць не павінна. Калі так адбываецца, значыць, вінаватыя мы, дарослыя», — падкрэсліў кіраўнік спраў Прэзідэнта.
Ён падзякаваў педагагічнаму калектыву Рудзенскай дапаможнай школы-інтэрната і іх выхаванцам за цудоўнае святочнае прадстаўленне і перадаў установе смарт-тэлевізар. Таксама дзецям дасталіся ад Валерыя Іванова навагоднія падарункі.
У школе-інтэрнаце навучаецца звыш 110 чалавек. У 2019 годзе падчас рэалізацыі праграмы малых грантаў Глабальнага экалагічнага фонду пры падтрымцы Міністэрства прыродных рэсурсаў і аховы навакольнага асяроддзя і Праграмы развіцця ААН у Беларусі ва ўстанове адкрыты цэнтр па экалагічнай адукацыі навучэнцаў. Акрамя таго, тут дзейнічаюць кабінет камп’ютарнай граматы, сталярна-цяслярная майстэрня.
Марыя ДАДАЛКА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.