Вы тут

Уначы трохі падмарозіць, але ўдзень усё роўна плюс


У апошнія дні надвор’е ў Мінску было, мякка кажучы, суперэкстравагантным. Спачатку масіўнай адлігі на тратуарах самаарганізаваўся сапраўдны каток, а потым вільгаць і анамальнае цяпло стварылі амаль лістападаўскае надвор’е. І прырода не прымусіла сябе доўга чакаць — у мікрараёне Каменная горка на двух пнях «вылезлі» дрэўнавушкі (вешанкі). Грыбы ў студзені? Такога ў нас яшчэ не было...


У бліжэйшыя дні цяпло пачне адступаць і ўначы ўсё часцей будзе ўпэўнены мінус, але кароткачасовы мокры снег створыць слізкую абстаноўку на дарогах, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

У чацвер будзе пераважаць воблачнае надвор’е. Часам чакаюцца ападкі ў выглядзе снегу, мокрага снегу, па поўдні з дажджом. У ранішнія гадзіны ў асобных раёнах магчымы моцны мокры снег і слабы туман. Месцамі на дарогах магчымая галалёдзіца. Вецер прагназуецца паўднёва-заходні, заходні 5–10 м/с, з парывамі да 14 м/с. Максімальная тэмпература паветра ў гэты дзень складзе ад мінус 1 градуса да 4 цяпла.

Паводле прагнозаў сіноптыкаў, у святочныя выхадныя маразы трохі памацнеюць, ападкі ў асноўным будуць ісці ў выглядзе снегу і мокрага снегу. На дарогах магчымая галалёдзіца. У пятніцу ўначы і раніцай на большай частцы тэрыторыі, удзень у асобных раёнах краіны пройдзе кароткачасовы снег. Тэмпература паветра ўначы складзе 2–9 градусаў ніжэй за нуль, удзень — ад мінус 6 градусаў да 1 цяпла.
У суботу надвор’е крыху супакоіцца. У гэты дзень будзе пераважна без ападкаў, толькі ўначы і раніцай месцамі па паўночным усходзе краіны магчымы кароткачасовы снег. У асобных раёнах чакаецца слабы туман, шэрань, на дарогах галалёдзіца. Тэмпература паветра ўначы складзе 3–10 градусаў ніжэй за нуль, па ўсходзе пры праясненнях — да мінус 11–15 градусаў. Удзень будзе ад мінус 6 градусаў да 1 цяпла.

У нядзелю месцамі па краіне пройдзе кароткачасовы снег, удзень з мокрым снегам. На асобных участках дарог магчымая галалёдзіца. Тэмпература паветра ўначы складзе 2–7 марозу, пры праясненнях — да мінус 10 градусаў. Удзень будзе ад мінус 5 градусаў да 3 цяпла.

Сяргей КУРКАЧ

Прэв’ю: pixabay.com

Выбар рэдакцыі

Грамадства

Як сэканоміць на «камуналцы»? Інструкцыя ад спецыялістаў

Як сэканоміць на «камуналцы»? Інструкцыя ад спецыялістаў

Хто мае права на вяртанне грошай, а хто — заплаціць цалкам.

Культура

Канкурсант ад Беларусі на «Віцебск-2022» Ганна Трубяцкая: Маладыя маюць права быць на вялікай сцэне

Канкурсант ад Беларусі на «Віцебск-2022» Ганна Трубяцкая: Маладыя маюць права быць на вялікай сцэне

Артыстка з чароўным голасам сёлета прадставіць Беларусь на конкурсе эстраднай песні «Віцебск—2022».

Грамадства

Як самі бацькі псуюць сваіх дзяцей? 5 галоўных памылак дарослых. Не рабіце так ніколі

Як самі бацькі псуюць сваіх дзяцей? 5 галоўных памылак дарослых. Не рабіце так ніколі

Выхаванне дзяцей — не самая простая задача. Капрызы, істэрыкі — гэта толькі частка праблем, з якімі сутыкаюцца сучасныя бацькі.

Грамадства

Рызыкі лічбавай прасторы. Як не трапіць на вуду інтэрнэт-махляроў

Рызыкі лічбавай прасторы. Як не трапіць на вуду інтэрнэт-махляроў

Цалкам вырашыць праблему кібернебяспекі немагчыма.