Вы тут

Качанава: Людзі нацэленыя на канструктыўную работу па абмеркаванні Асноўнага Закона


Сёння спікер верхняй палаты прыняла ўдзел у дзейнасці грамадскай прыёмнай, якая функцыянуе ў Савеце Рэспублікі з мінулага тыдня. Традыцыйна да Наталлі Качанавай вялікая колькасць ахвотных трапіць на прыём. І гэты прыём не стаў выключэннем. Трэба сказаць, што да спікера прыйшлі не толькі з прапановамі ў Асноўны Закон, але і з жыццёвымі праблемамі.


Ініцыятыўная група народна-патрыятычнага руху «Спектр», які пакуль незарэгістраваны, прыйшла з трапнымі заўвагамі па некалькіх артыкулах праекта Канстытуцыі. Дарэчы, члены руху з’яўляюцца актыўнымі ўдзельнікамі патрыятычных акцый, якія штотыдзень праводзяцца ля станцыі метро «Уручча», таму лёс краіны іх вельмі хвалюе.

У прыватнасці, актывістка, педагог па адукацыі Вольга Аляксандраўна падкрэсліла, што мэта сённяшняга візіту — каб моладзь і наступныя пакаленні маглі жыць пад мірным небам Беларусі.

Заяўнікі звярнулі ўвагу на неабходнасць карэкціроўкі артыкулаў 4, 8, 18, 32, 33, 81 і 83 праекта Канстытуцыі. Так, людзі лічаць, што трэба прапісаць у Асноўным Законе не толькі наяўнасць шматлікай колькасці ідэалогій, але і дзяржаўную і афіцыйную, каб было зразумела, у якім напрамку рухаецца дзяржава. Звяртаюць увагу яны і на тое, што адысці ад міжнародных нормаў і прынцыпаў краіна не можа, але лічаць неабходным замацаваць прыярытэтным прынцыпы беларускага заканадаўства. Перакананы заяўнікі і ў тым, што здраднікаў Айчыны трэба пазбаўляць грамадзянства. 

— У Канстытуцыі БССР 1938 года было прапісана, што самае цяжкае злачынства — гэта здрада Радзіме, — нагадвае Вольга Ганчарык.

Не пакінуў актывістаў раўнадушнымі і артыкул 32, адносна сямейнага саюза, які можна быць замацаваны толькі паміж мужчынам і жанчынай. Заяўнікі перакананы: трэба дадаць заўвагу — па нараджэнні. Таксама яны лічаць неабходным прадугледзець поўную забарону прапаганду ЛГБТ-руху. 

Цікавае меркаванне выказалі людзі і адносна СМІ: у праекце замацавана, што манапалізацыя сродкаў масавай інфармацыі недапушчальная, аднак яны перакананы — цэнзура павінна быць.

Акцэнтавалі ўвагу заяўнікі і на артыкуле 81-м, якім абмяжоўваецца тэрмін паўнамоцтваў кіраўніка дзяржавы. Людзі лічаць, што два тэрміны пры сапраўдным моцным лідары нацыі — гэта недастаткова. Трэба прадугледзець механізм магчымасці ўдзелу ў выбарах на трэці тэрмін. 

— У выпадку абсалютнага даверу і відавочнага ўкладу кіраўніка дзяржавы па рашэнні УНС яго кандыдатура можа быць вынесена для ўдзелу ў выбарах, — лічаць актывісты. 

Яны таксама просяць замацаваць у Асноўным законе і ўдзел нашай краіны ў такіх міжнародных арганізацыях і дамовах, як АДКБ, СНД, ЕАЭС і іншых.

Трэба сказаць, што ініцыятыўная група з трох чалавек, якая трапіла на прыём — гэта малая частка ахвотных руху «Спектр» пагутарыць з Наталляй Качанавай. Асноўная маса чакала на ўваходзе. Спікер верхняй палаты парламента спусцілася да іх і паабяцала правесці сустрэчу ў хуткім часе ў Савеце Рэспублікі, з тым, каб людзі маглі пазнаёміцца з дзейнасцю верхняй палаты парламента і яго функцыямі бліжэй.

— Калі мы арганізавалі работу грамадскай прыёмнай у Савеце Рэспублікі, я меркавала, што людзі прыйдуць не толькі з пытаннямі, якія датычацца Асноўнага закона нашай краіны, але і са звычайнымі жыццёвымі пытаннямі. У прынцыпе так і атрымалася, — адзначыла ў гутарцы з журналістамі Наталля Качанава. — Але ў большай ступені пытанні датычыліся Асноўнага Закона нашай краіны.

Старшыня Савета Рэспублікі адзначыла той факт, які ёй больш за ўсё імпануе, людзі глыбока вывучаюць праект Асноўнага Закона і прыходзяць з цікавымі прапановамі. 

— Прычым па артыкулах называюць тыя моманты, якія выклікалі ў іх нейкі сумнеў, — акцэнтуе яна ўвагу. 

Паводле ацэнкі спікера, яе парадавала і тое, што людзі ў асноўным падтрымліваюць палітыку, якая праводзіцца ў дзяржаве, высока ацэньваюць дасягненні нашай краіны і кажуць аб неабходнасці гэта ўсё захаваць. 

— Гэта вельмі важна, — пераканана Наталля Качанава. — Гэта тое, на чым мы працавалі ўвесь гэты час, каб Асноўны законапраект быў для нас вызначальным. Бо па ім будуць жыць тыя, хто ідуць за намі — будучыя пакаленні. Таму, вядома, неабыякавых людзей вельмі шмат і гэта радуе.

Звяртае спікер верхняй палаты парламента і на тое, што людзі, сапраўды, нацэленыя на канструктыўны дыялог: 

— Я пачула, што людзі нацэленыя на канструктыўную работу па абмеркаванні Асноўнага закона нашай краіны, — кажа яна. 

Адзначыла яна і пытанні, якія датычацца звычайных будзённых праблем, што ёсць у кожнага.

— У большай ступені гэта жыллёвыя пытанні, будаўніцтва і эксплуатацыі жылога фонду, добраўпарадкавання населеных пунктаў, — паведаміла Наталля Качанава.

Яна падкрэсліла, што нягледзячы на тэматыку зваротаў, людзей абавязкова выслухаюць і над іх пытанням будуць працаваць адказныя спецыялісты. 

— Таму што палітыка, якая праводзіцца ў нашай краіне, нацэлена на кожнага чалавека. Калі ў чалавека ёсць пытанні, якія сёння перашкаджаюць яму жыць, вядома, мы павінны выслухаць і зрабіць усё, каб аказаць яму садзейнічанне ў вырашэнні гэтага пытання, несумненна, у рамках закона, — рэзюмавала Старшыня Савета Рэспублікі.

Вольга АНУФРЫЕВА

Выбар рэдакцыі

Грамадства

Ніна Іванова: «Менавіта грамадства павінна рабіць крокі насустрач»

Ніна Іванова: «Менавіта грамадства павінна рабіць крокі насустрач»

Беларускае таварыства дружбы і культурнай сувязі амаль стагоддзе займаецца папулярызацыяй духоўных і культурных здабыткаў.