Вы тут

Рунец: Філарэт стаў прыкладам бескарыслівага служэння сваёй краіне


Такое меркаванне выказала, старшыня Пастаяннай камісіі Савета Рэспублікі па эканоміцы, бюджэце і фінансах Таццяна Рунец. 


— У календары гэтага тыдня значыцца адна сумная дата: роўна год як з намі няма ганаровага Патрыяршага экзарха ўсяе Беларусі Філарэта — чалавека, чыё служэнне на карысць нашай краіны, бязмежная любоў да бліжняга і шчырае імкненне да стварэння былі адметнымі рысамі асобы, — звяртае ўвагу сенатар. 

Яна нагадвае, што для праваслаўных суайчыннікаў ён быў мудрым духоўным настаўнікам, сіла слова якога ўсяляла ўпэўненасць у праўдзівасці абранага шляху і развенчвала лжывыя і пустыя памкненні. 

— Яго любілі, шанавалі і яму давяралі. Ён быў сапраўдным духоўным лідарам праваслаўных вернікаў нашай краіны, — пераканана парламентарый. 

Таццяна Рунец акцэнтуе: Філарэт стаў яркім прыкладам бескарыслівага служэння сваёй краіне і яе народу. 

— Усе памятаюць яго як сапраўднага патрыёта сваёй дзяржавы, для якога паняцце адзінства нацыі было не пустым гукам. Ён прыкладаў вялізныя намаганні для захавання гэтага адзінства і недапушчэння расколу беларускага грамадства, — сцвярждае яна і з жалем канстатуе хуткаплыннасць чалавечага жыцця. — За адведзены Госпадам тэрмін зямнога служэння Філарэт паспеў зрабіць вельмі многае для нашай дзяржавы, стаўшы адным з Герояў Беларусі. 

Старшыня профільнай камісіі адзначае, што гэтую ўзнагароду (роўна як і многія іншыя) зараз можна ўбачыць у экспазіцыі, размешчанай у Савеце Рэспублікі.

—Магу з упэўненасцю сказаць, што памяць аб гэтым вялікім чалавеку, яго высакародных справах на карысць адзінства і дабрабыту краіны, яе народа працягвае жыць у нашых сэрцах і быць прыкладам безумоўнай, бескарыслівай і самаадданай любові да людзей і сваёй Айчыны, — рэзюмуе сенатар.

Вольга АНУФРЫЕВА

Прэв’ю: БелТА

Выбар рэдакцыі

Грамадства

Жыццё Юліі Пярцовай: Шчыры аповед пра сям’ю, работу і пераадоленні нягод

Жыццё Юліі Пярцовай: Шчыры аповед пра сям’ю, работу і пераадоленні нягод

У прамым эфіры тэлеканала «Беларусь-1» Юлія расказвае аб падзеях у Беларусі.

Калейдаскоп

Як добра вы памятаеце ўсе Канстытуцыі Беларусі? Тэст

Як добра вы памятаеце ўсе Канстытуцыі Беларусі? Тэст

За адно стагоддзе Беларусь жыла па пяці розных Асноўных Законах.