Аляксандр Лукашэнка падпісаў указ, у адпаведнасці з якім прадстаўнікі сферы спорту ўзнагароджаны ордэнамі і медалямі за дасягненне высокіх спартыўных вынікаў на летніх Алімпійскіх і Паралімпійскіх гульнях 2021 года ў Токіа (Японія), паведамілі ў прэс-службе беларускага лідара.
Ордэна Айчыны III ступені ўдастоены спартсмен-інструктар нацыянальнай каманды Рэспублікі Беларусь па скачках на батуце Іван Літвіновіч, трэнер спартыўнай каманды Міністэрства ўнутраных спраў Марына Літвінчук, спартсмен-інструктар нацыянальнай каманды Рэспублікі Беларусь па веславанню на байдарках і каноэ Маргарыта Махнёва, інструктары па спорце спартыўнай каманды Міністэрства унутраных спраў Надзея Папок і Вольга Худзенка.
Спартсмен-інструктар нацыянальнай каманды Рэспублікі Беларусь па барацьбе вольнай Магамедхабіб Кадзімагамедаў узнагароджаны ордэнам Пашаны. Гэтай жа ўзнагароды ўдастоены спартсмен-інструктар Спартыўнага камітэта Узброеных Сіл Рэспублікі Беларусь Максім Недасекаў.
Медалём «За працоўныя заслугі» узнагароджаны спартсмены-інструктары нацыянальнай каманды Рэспублікі Беларусь па інваспорце Лізавета Пятрэнка і Ягор Шчалканаў.
Ганаровае званне «Заслужаны майстар спорту Рэспублікі Беларусь» прысвоена спартсмену-інструктару нацыянальнай каманды Рэспублікі Беларусь па інваспорце Ігару Бокаму і спартсмену-інструктару нацыянальнай каманды Рэспублікі Беларусь па гімнастыцы мастацкай Аліне Гарноська.
Прэв’ю: БелТА
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
