Вы тут

Дзядзька з пляменнікам захоўвалі на дачы больш за два кілаграмы марыхуаны


Затрыманне двух падазраваных, датычных да апрацоўкі раслін з утрыманнем наркотыкаў, стала вынікам сумеснай аперацыі супрацоўнікаў розных службаў Лепельскага РАУС. Мужчыны 44 і 30 гадоў былі спыненыя міліцыянерамі падчас транспарціроўкі чарговай партыі марыхуаны. Пры сабе ў іх меліся наркотыкі. Сапраўдны ж размах іх сямейнага промыслу стаў вядомы пасля вобыску ў дачным доме старэйшага са сваякоў.


Фота: УУС Віцебскага аблвыканкама.

Па інфармацыі УУС Віцебскага аблвыканкама, вясковы дом у глухой вёсцы быў пераўтвораны ў сапраўдны склад марыхуаны. Яе мужчыны захоўвалі ў трохлітровых слоіках, якія былі шчыльна закрытыя накрыўкамі. Таксама лепяльчане старанна сачылі за захаванасцю ўраджаю. Мінімум раз у тыдзень яны прыязджалі на месца захоўвання наркотыкаў для таго каб пратапіць жыллё. Усяго аператыўнікамі былі канфіскаваны больш за два кілаграмы забароненых рэчываў.

Сталі вядомыя і шляхі ўзнікнення такой колькасці марыхуаны. Аказалася, што насенне канапель мужчыны набылі ў знаёмых. Пасля гэтага яны ўдалечыні ад людскіх вачэй засеялі поле нарказмяшчальнымі раслінамі і сабралі вялікі ўраджай. Падазроныя затрыманы, у адносінах да іх заведзена крымінальная справа, таксама міліцыянерамі яны правяраюцца на датычнасць да збыту марыхуаны.

Сяргей РАСОЛЬКА

Выбар рэдакцыі

Грамадства

Жыццё Юліі Пярцовай: Шчыры аповед пра сям’ю, работу і пераадоленні нягод

Жыццё Юліі Пярцовай: Шчыры аповед пра сям’ю, работу і пераадоленні нягод

У прамым эфіры тэлеканала «Беларусь-1» Юлія расказвае аб падзеях у Беларусі.

Калейдаскоп

Як добра вы памятаеце ўсе Канстытуцыі Беларусі? Тэст

Як добра вы памятаеце ўсе Канстытуцыі Беларусі? Тэст

За адно стагоддзе Беларусь жыла па пяці розных Асноўных Законах.