У Бялыніцкім раёне мінулай ноччу ў аўтааварыі загінуў мужчына, паведамілі ва УУС Магілёўскага аблвыканкама.
Каля трох гадзін ночы 23-гадовы студэнт адной з магілёўскіх ВНУ рухаўся на аўтамабілі Volkswagen па аўтадарозе М4 у напрамку Магілёва. Праязджаючы 147-ы км, на закругленні вадзіцель не справіўся з кіраваннем і з’ехаў у правы кювет. У выніку ДТЗ вадзіцель ад атрыманых траўм памёр на месцы здарэння.
Папярэдне ўстаноўлена, што хлопец знаходзіўся ў цвярозым стане. Аднак ён не быў прышпілены рамянём бяспекі, а на задняй восі аўтамабіля ўстаноўлены шыны з вышынёй малюнка пратэктара менш за 4 мм.
Рэзкія перапады тэмпературы выклікалі складанае становішча на дарогах Магілёўскай вобласці. Пры руху па слізкім пакрыцці варта адмовіцца ад рэзкіх манеўраў, трымаць дыстанцыю і бакавы інтэрвал. Неабходна таксама праявіць вялікую ўважлівасць пры руху на закругленнях дарог, скрыжаваннях і пад’ездах да пешаходных пераходаў.
Прэв’ю: pixabay.com
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.