Папярэдняя сума шкоды ад беспарадкаў і тэрактаў у Алматы дасягнула амаль $260 млн, у тым ліку па суб’ектах бізнесу — каля $155 млн, паведаміў намеснік Акіма горада Ільяс Усераў, пішуць РИА Новости.
«Папярэднія дадзеныя на сёння: агульная сума шкоды склала парадку 112,6 млрд тэнге, з іх па суб’ектах бізнесу — 67 млрд тэнге», — сказаў ён на пасяджэнні гарадскога штаба па аднаўленні жыццезабеспячэння Алматы.
Масавыя пратэсты ў Казахстане пачаліся ў першыя дні 2022 года — жыхары гарадоў Жанаазен і Актау на захадзе краіны выступілі супраць двухразовага росту коштаў на звадкаваны газ. Пазней пратэсты распаўсюдзіліся на іншыя гарады, у тым ліку на Алматы, старую сталіцу і найбуйнейшы горад рэспублікі: там пачалося марадзёрства, баевікі нападалі на дзяржустановы, забіралі зброю. У адказ улады ўвялі надзвычайнае становішча па ўсёй краіне да 19 студзеня і пачалі контртэрарыстычную аперацыю. Паводле звестак Генпракуратуры краіны, у выніку беспарадкаў пацярпелі 4578 чалавек, загінулі 225 чалавек, у тым ліку 19 сілавікоў.
Раніцай 5 студзеня Прэзідэнт Казахстана Касым-Жамарт Такаеў адправіў у адстаўку ўрад і ўзначаліў Савет Бяспекі. На першым пасяджэнні Савета Бяспекі пад сваім кіраўніцтвам Такаеў ахарактарызаваў сітуацыю ў Казахстане як падрыў цэласнасці дзяржавы і паведаміў, што звярнуўся па дапамогу ў АДКБ «у пераадоленні тэрарыстычнай пагрозы». Савет калектыўнай бяспекі АДКБ прыняў рашэнне накіраваць у Казахстан калектыўныя міратворчыя сілы для нармалізацыі становішча ў краіне. 7 студзеня Такаеў заявіў, што тэрарысты, у тым ліку якія прыбылі з-за мяжы, працягваюць супраціў, і паабяцаў знішчыць тых, хто не складзе зброю. Акрамя таго, Прэзідэнт адзначыў, што ўсе патрабаванні грамадзян, якія выяўляліся ў мірных формах, былі пачутыя.
13 студзеня было абвешчана аб паспяховым завяршэнні місіі АДКБ, цяпер міратворцы вяртаюцца з Казахстана.
Прэв’ю: pixabay.com
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.