Жадаючым акунуцца ў купель на Вадохрышча неабходна падрыхтавацца маральна, а таксама звярнуць увагу на агульны стан здароўя, паведамляе БелТА са спасылкай на начальніка вадалазна-выратавальнай службы Мінскай гарадской арганізацыі АСВОД Дзмітрыя Храпкова.
«У вас павінна быць добрае здароўе. Не варта ўжываць алкаголь, таму што пры яго дзеянні на арганізм сасуды пашыраюцца, а пры ўваходзе ў халодную ваду яны рэзка звужаюцца. Ёсць верагоднасць атрымаць тэрмамеханічны шок, а гэта рэзкі прыпынак сэрца», — адзначыў Дзмітрый Храпкоў.
Падчас падобных мерапрыемстваў кругласутачна дзяжураць выратавальнікі, хуткая дапамога, МНС і вадалазы. Нават калі чалавек паслізнуўся або яму стала дрэнна, ратавальнікі неадкладна дастаўляюць яго на паверхню, а медыкі вызначаюць далейшыя дзеянні: альбо транспартаваць яго ва ўстанову аховы здароўя, альбо на месцы аказаць дапамогу, растлумачыў спецыяліст.
У Мінску вадохрышчанскія купанні пачнуцца 18 студзеня ў 18.00 на базе трох выратавальных станцый: «Дразды» (вул. Вяснінка, 2а), «Цнянская» (вул. Кальцова) і «Камсамольскае возера» (вул Прагрэсіўная, 29а).
На тэрыторыі Мінскага раёна таксама будзе абсталявана чатыры месцы: «Пціч» (в. Воўковічы), «Заслаўе-1» (Мінскае мора, д. Зарэчча), «Вяча» (в. Пільніца) і «Крыніца» (в. Зарэчча).
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
