Вы тут

У Стаўрапалі абяруць пераможцу расійска-беларускага конкурсу «Каралева студэнцтва»


Фінал юбілейнага 30-га расійска-беларускага конкурсу прыгажосці і творчасці «Каралева студэнцтва — 2021» пройдзе ў Стаўрапалі з 19 па 25 студзеня. Імя ўладальніцы галоўнага тытула назавуць 24 студзеня.


За карону пазмагаюцца 12 пераможцаў нацыянальных этапаў конкурсу. У іх ліку — чатыры грацыі з Беларусі — студэнткі Віцебскага дзяржаўнага тэхналагічнага ўніверсітэта Валерыя Фомчанка і Вікторыя Вараб’ёва, Міжнароднага ўніверсітэта «МІТСО» Арына Кулік і Карына Саргавіцкая з Гродзенскага дзяржаўнага ўніверсітэта імя Янкі Купалы.

У праграме конкурсу — акцыі, тэматычныя фотасесіі, прэс-канферэнцыі. 21 студзеня, у дзень вызвалення Стаўрапаля ад нямецка-фашысцкіх захопнікаў, удзельніцы наведаюць мемарыял «Агонь вечнай славы». Канкурсанткі сустрэнуцца з жанчынамі — ветэранамі Вялікай Айчыннай вайны, пагутараць са шматдзетнымі маці.

У фінале конкурсу дзяўчаты паспаборнічаюць у аратарскім майстэрстве, прадэманструюць творчыя і інтэлектуальныя здольнасці. Не абыдзецца і без дэфіле. Удзельніцы пройдуць па подыуме ў вясельных сукенках, нацыянальных строях і вячэрніх уборах.
Арганізатарамі конкурсу выступаюць Беларускі рэспубліканскі саюз моладзі і Расійскі саюз моладзі. У 2022 годзе конкурс праходзіць пры падтрымцы ўрада Стаўрапольскага краю.

Сяргей РАСОЛЬКА

Выбар рэдакцыі

Грамадства

Ніна Іванова: «Менавіта грамадства павінна рабіць крокі насустрач»

Ніна Іванова: «Менавіта грамадства павінна рабіць крокі насустрач»

Беларускае таварыства дружбы і культурнай сувязі амаль стагоддзе займаецца папулярызацыяй духоўных і культурных здабыткаў.

Культура

Пра што сведчаць гістарычныя графіці ў самым старажытным захаваным храме Беларусі

Пра што сведчаць гістарычныя графіці ў самым старажытным захаваным храме Беларусі

Надпісы кшталту «тут быў...» на сценах з’яўляліся яшчэ ў Сярэднявеччы.

Грамадства

Як сэканоміць на «камуналцы»? Інструкцыя ад спецыялістаў

Як сэканоміць на «камуналцы»? Інструкцыя ад спецыялістаў

Хто мае права на вяртанне грошай, а хто — заплаціць цалкам.