Пракуратура Мінска накіравала ў суд крымінальную справу аб ДТЗ, у якой пацярпела дзіця, паведамілі ў службе інфармацыі сталічнага ведамства.
Мінчанцы інкрымінавана парушэнне правілаў дарожнага руху, якое прывяло па неасцярожнасці да прычынення цяжкіх цялесных пашкоджанняў. Паводле матэрыялаў справы, 49-гадовая абвінавачаная ў жніўні 2021 года пры павароце налева на скрыжаванні вуліц Альшэўскага і П.Глебкі ў Мінску не саступіла дарогу мужчыну з дзіцем, які пераходзіў на дазваляльны сігнал святлафора, і здзейсніла наезд на апошняга. У выніку ДТЗ непаўналетні атрымаў цяжкія цялесныя пашкоджанні па прыкмеце небяспекі для жыцця.
Пасля вывучэння матэрыялаў справы ў пракуратуры прыйшлі да высновы аб абгрунтаванасці абвінавачання, дастатковасці сабраных доказаў, поўным і аб’ектыўным даследаванні акалічнасцяў злачынства. Пагадзіліся з кваліфікацыяй учыненага па ч.2 арт.317 КК.
Выбраную раней у адносінах да жанчыны меру стрымання пракурор, накіроўваючы справу ў суд, пакінуў ранейшай — падпіску аб нявыездзе і належных паводзінах.
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.