Вы тут

Сікорскі: Беларускі бок даказаў, што перахопу не было


Група ІКАО па ўстанаўленні фактаў аб падзеях, якія адбыліся з рэйсам авіякампаніі Ryanair, прыняла доказы беларускага боку, што перахопу самалёта не было. Аб гэтым заявіў 18 студзеня журналістам дырэктар Дэпартамента па авіяцыі Міністэрства транспарту і камунікацый Арцём Сікорскі, перадае БелТА.


Фота: pixabay.com

«17 студзеня ў 23.20 Дэпартамент па авіяцыі атрымаў рабочы дакумент з дадаткам да яго канчатковай справаздачы групы па ўстанаўленні фактаў ІКАО аб падзеях, якія адбыліся з рэйсам авіякампаніі Ryanair у небе над Беларуссю 23 мая 2021 года. Дакумент падрыхтаваны на англійскай мове, змяшчае 64 старонкі. Мы цяпер уважліва аналізуем усе элементы гэтага даклада, выяўляем недакладнасці, якія патрабуюць карэкціроўкі», — сказаў Арцём Сікорскі. Разгляд справаздачы плануецца 31 студзеня на сесіі ІКАО.

«Найбольш важна, што група па ўстанаўленні фактаў прыняла доказы беларускага боку аб тым, што перахопу, прымушэння да пасадкі або змянення маршруту самалёта Ryanair з боку Беларусі не было, у прыватнасці, ваенным самалётам МіГ-29, аб якім раней заяўлялася. Групай па ўстанаўленні фактаў ІКАО адзначана, што з боку лётнага і кабіннага экіпажа паветранага судна ніякіх візуальных сігналаў не назіралася, не было сувязі з гэтым паветраным суднам. Гэта доказ таго, што перахопу з боку МіГ-29 не было», — адзначыў дырэктар дэпартамента.

Паводле яго слоў, у дакуменце адзначаны яшчэ адзін важны момант, на які раней звяртаў увагу беларускі бок. «Даныя аб’ектыўнага кантролю перагавораў экіпажа паветранага судна ў кабіне не захаваліся з прычыны таго, што экіпаж пасля пасадкі самалёта ў Мінску не выключыў самапісцы. Тым самым экіпаж не захаваў даныя аб’ектыўнага кантролю і свой аўдыязапіс таго моманту, калі яны прымалі рашэнне аб пасадцы ў Мінску. Гэта выглядае дзіўна», — падкрэсліў Арцём Сікорскі.

Ён адзначыў, што беларускі бок прадоўжыць узаемадзеянне з ІКАО. «Плануем удакладніць разам са спецыялістамі факты, прадстаўленыя беларускім бокам, якія выкладзены не зусім карэктна, да моманту разгляду справаздачы 31 студзеня. Разлічваем, што таксама будзе разгледжана скарга Беларусі на незаконныя дзеянні шэрага еўрапейскіх краін, якія ўвялі санкцыі адносна грамадзянскай авіяцыі нашай краіны», — рэзюмаваў дырэктар дэпартамента.

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.