Увечары ў Аршанскае РУУС паступіла паведамленне ад 44-гадовай мясцовай жыхаркі. Жанчына расказала, што на яе з нажом напаў уласны сын. Ён у стане алкагольнага ап’янення патрабаваў грошы, а калі атрымаў іх, уцёк з месца злачынства.
Праваахоўнікі высветлілі, што малады чалавек прыйшоў дадому ў моцным ап’яненні. Ён адразу пачаў прасіць у маці грошы. Жанчына спрабавала супакоіць сына, але той у адказ схапіў кухонны нож і пачаў пагражаць фізічнай расправай. Напалоханая аршанка аддала апошнія 230 рублёў, а пасля набрала нумар міліцыі.
Актыўныя пошукі падазраванага вяліся супрацоўнікамі міліцыі некалькі гадзін. Як паведамляе аддзяленне інфармацыі і грамадскіх сувязяў УУС Віцебскага аблвыканкама, у выніку 24-гадовы хлопец быў затрыманы. Як аказалася, за гэты час ён паспеў патраціць усе атрыманыя ад маці грошы. Следчымі ў дачыненні да аршанца заведзена крымінальная справа.
Сяргей РАСОЛЬКА
Дзе б вы ні працавалі і чым бы ні займаліся, уменне мець зносіны і зрабіць добрае ўражанне – адзін з самых галоўных навыкаў.
Каб зрабіць шчаслівым дзіця, трэба спачатку зрабіць шчаслівым сябе.
Сёлета адзначаецца 140-годдзе з дня нараджэння класікаў.
Паведаміла Людміла Аляксееўна, якая загадвае фельчарска-акушэрскім пунктам і з'яўляецца фельчарам, акушэркай, медсястрой у адной асобе.
