У Беларусі плануюць ацаніць эканамічныя страты з-за дэмаграфічных страт ад генацыду ў гады Вялікай Айчыннай вайны, паведамляе БелТА са спасылкай на выконваючага абавязкі дырэктара НПЦ праблем умацавання законнасці і правапарадку Генпракуратуры Васіля Марчука.
«Вядзецца праца па арганізацыі спецыяльнай комплекснай тэмы навуковага даследавання, якая называецца „Генацыд грамадзянскага насельніцтва БССР у гады Вялікай Айчыннай вайны. Гісторыка-прававая ацэнка“. Зараз ствараецца часовы навуковы калектыў, ідуць пэўныя кансультацыі. Мы плануем сабраць вялікую колькасць спецыялістаў, гісторыкі ўжо даўно працуюць. Мы плануем запрасіць з Нацыянальнага архіва, эканамістаў, прававедаў, іншых спецыялістаў у спецыяльных галінах ведаў», — сказаў Васіль Марчук.
Галоўная мэта такой працы, паводле яго слоў, вызначыць і зафіксаваць, што вельмі важна, факты генацыду, падкрэсліўшы іх маштабнасць і сапраўднасць. «Таму што не ўсе факты знішчэння людзей з юрыдычнага пункту гледжання можна разглядаць як генацыд. Гэта трэба пацвердзіць і даказаць адпаведнымі фактамі», — растлумачыў выконваючы абавязкі дырэктара НПЦ.
«Трэба ўсталяваць пэўныя сацыяльна-эканамічныя і прававыя наступствы для нашай краіны, у прыватнасці, пытанне па эканамічнай шкодзе. Так, пасля вайны надзвычайнай дзяржаўнай камісіяй быў вызначаны памер шкоды, які быў нанесены ў цэлым БССР, але ніхто дакладна не вывучыў пытанне аб тым, якія эканамічныя страты для нашай краіны з прычыны дэмаграфічных страт, учыненых фактамі генацыду», — сказаў Васіль Марчук.
Як паведамлялася, сёння Генпракуратура перадала прадстаўнікам Беларускага дзяржаўнага музея гісторыі Вялікай Айчыннай вайны на захоўванне для напаўнення музейных экспазіцый рэчавыя доказы, здабытыя падчас следчых дзеянняў па крымінальнай справе аб генацыдзе.
Прэв’ю: БелТА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
