Вы тут

Першае камп’ютарнае абсталяванне для вытворчасці зубных пратэзаў з’явілася ў Гродне


Гэта дазволіць значна аптымізаваць ручную працу, бо ўся падрыхтоўка будзе весціся віртуальна. Пацыенту не трэба хадзіць на шматразовыя прымеркі, адчуваць дыскамфорт ад злепкавай масы. Спецыяліст з дапамогай праграмнага забеспячэння створыць на камп’ютары трохмерны эскіз будучай артапедычнай канструкцыі, які затым будзе ўвасоблены ў рэальнасці. 


Сістэма CAD|CAM — гэта першая такога кшталту камп’тарная сістэма ў Гродне. Яна набыта за кошт абласнога бюджэта і ўстаноўлена ў філіяле Гродзенскай цэнтральнай гарадской стаматалагічнай паліклініцы. Па словах загадчыка філіяла Аляксандра Корзуна, новая тэхналогія цалкам адрозніваецца ад традыцыйнага пратэзавання і імплантацыі. Гэта значны крок ад ручной працы да лічбавага фармата ў стаматалогіі пры гарантыі высокай якасці работы. 

Адціск, які ўрач здымае з зубных пратэзаў пацыента, не гіпсавы, а віртуальны. Робіцца ён з дапамогай унутрыротавай відэакамеры. Увесь зубны рад бачны на экране камп’ютара. Затым па спецыяльнай праграме ствараецца віртуальная мадэль — трохмерны эскіз будучай артапедычнай канструкцыі. Эталонам для мадэлі могуць быць зубы самога пацыента, калі іх няма, праграма сама падбірае аптымальны варыянт. Прычым, прапануе некалькі розных канструкцый. 

Калі мадэль узгоднена з пацыентам, інфармацыя перадаецца на фрэзерны станок, які таксама ўключаны ў сістэму абсталявання. На станку і адбываецца выраб будучага пратэза. Прычым усе робіцца ў аўтаматычным рэжыме, мадэль гатова літаральна за чвэрць гадзіны. Пацыент можа атрымаць яе ў той самы дзень, калі зроблены заказ. Пры ручным рэжыме работы спатрэбілася б некалькі дзён. Спецыялісты адзначаюць высокую дакладнасць вырабу, яго трываласць і камфорт. 

Сучасная камп’ютарная сістэма дапаможа і ў лячэнні зубоў, падкажа, які зуб мае патрэбу ў замене. Матэрыялы могуць быць самыя розныя — дыяксід цырконію, кераміка, кампазітны матэрыял і іншыя. Тэхналогіі дапамогуць людзям нават з самымі цяжкімі клінічнымі выпадкамі. 

Маргарыта УШКЕВІЧ

Фота grodnonews

Выбар рэдакцыі

Грамадства

Як сэканоміць на «камуналцы»? Інструкцыя ад спецыялістаў

Як сэканоміць на «камуналцы»? Інструкцыя ад спецыялістаў

Хто мае права на вяртанне грошай, а хто — заплаціць цалкам.

Культура

Канкурсант ад Беларусі на «Віцебск-2022» Ганна Трубяцкая: Маладыя маюць права быць на вялікай сцэне

Канкурсант ад Беларусі на «Віцебск-2022» Ганна Трубяцкая: Маладыя маюць права быць на вялікай сцэне

Артыстка з чароўным голасам сёлета прадставіць Беларусь на конкурсе эстраднай песні «Віцебск—2022».

Грамадства

Як самі бацькі псуюць сваіх дзяцей? 5 галоўных памылак дарослых. Не рабіце так ніколі

Як самі бацькі псуюць сваіх дзяцей? 5 галоўных памылак дарослых. Не рабіце так ніколі

Выхаванне дзяцей — не самая простая задача. Капрызы, істэрыкі — гэта толькі частка праблем, з якімі сутыкаюцца сучасныя бацькі.

Грамадства

Рызыкі лічбавай прасторы. Як не трапіць на вуду інтэрнэт-махляроў

Рызыкі лічбавай прасторы. Як не трапіць на вуду інтэрнэт-махляроў

Цалкам вырашыць праблему кібернебяспекі немагчыма.