Вы тут

Самы буйны лагістычны аператар краіны «Белмытсэрвіс» працягвае развівацца і прымнажае сваю інфраструктуру


Як вядома, Беларусь і Кітай 20 студзеня гэтага года адзначаюць юбілейную дату — 30-годдзе з дня ўстанаўлення дыпламатычных адносін. У гэты знамянальны дзень РУП «Белмытсэрвіс» і ААТ «Агенцтва знешнеэканамічнай дзейнасці» падпісалі пагадненне аб узаемавыгадным супрацоўніцтве. 


Асноўнымі мэтамі пагаднення з’яўляюцца развіццё знешнеэканамічнай дзейнасці, гандлёвай і транспартнай прывабнасці паміж краінамі Еўрапейскага Саюза, нашай краінай і Кітайскай Народнай Рэспублікай з дапамогай выкарыстання магчымасцяў і інфраструктуры бакоў.
Наша краіна выгадна размешчана на транспартным калідоры Кітай-Еўропа-Кітай. Беларусі адводзіцца роля вузлавой платформы на шляху транспартнага калідора. Падпісанне пагаднення — яшчэ адзін крок на шляху паглыблення супрацоўніцтва з Кітайскай Народнай Рэспублікай.

Як адзначыў генеральны дырэктар РУП «Белмытсэрвіс» Вадзім Бабарыкін, пагадненне двух кампетэнтных органаў дае магчымасць выконваць даручэнні ўрада па развіцці экспарту нашай краіны. Па яго словах, гэта і кірунак супрацоўніцтва Беларусь — Кітай. Пасля падпісання пагаднення запланавана распрацоўка сістэмы двухбаковага супрацоўніцтва, якая будзе даваць бізнесу комплексныя рашэнні ўдзелу ў рэалізацыі экспартных праектаў нашай краіны.

«Сёння ўсе знешнеэканамічныя аперацыі, якія звязаны з экспартам прадукцыі, адначасова звязаныя з транспартнымі паслугамі, што аказваюць нашы кампаніі, — лічыць кіраўнік Белмытсэрвісу. — Адпаведна мы з усімі сваімі ведамствамі і разам з банкам Развіцця выпрацоўваем канцэпцыю, якая абараняе нашы інтарэсы. Улічваючы ўсе паўнамоцтвы і кампетэнцыі нашых усіх дзяржорганаў, усіх нашых дзяржаўных структур, якія ўдзельнічаюць у гэтай справе.

Вадзім Бабарыкін падкрэсліў, што агенцтва знешнеэканамічнай дзейнасці сёння ўносіць вялікую ролю ў спрашчэнне гандлёвых працэдур, напрыклад, з Кітаем. Яны адпаведна ўдзельнічаюць у камісіі, прымаюць досыць важкія прапановы і рашэнні.

Пры гэтым кіраўнік «Белмытсэрвісу» адзначыў рост цікавасці да авіяперавозках, а таксама эфектыўнасць ўсіх спосабаў дастаўкі тавараў на дадзеным кірунку. «Мы як найбуйнейшы лагістычны аператар прапрацоўваем усе магчымыя варыянты па кірунку Кітай-Еўропа-Кітай. У апошні час назіраецца рост авіяперавозак. Мы мультымадальна дастаўляем тавары: з Кітая ў Беларусь — авіятранспартам, далей — аўтамабільным ці чыгуначным транспартам у Еўропу. Таму сёння казаць, што толькі марскія або сухапутныя лагістычныя калідоры працуюць, не прыходзіцца. Эфектыўныя ўсе варыянты», — падкрэсліў Вадзім Бабарыкін.

Як адзначыў генеральны дырэктар ААТ «Агенцтва знешнеэканамічнай дзейнасці» Андрэй Міцкевіч, асноўная задача агенцтва заключаецца ў арганізацыі імпарту прадукцыі па найбольш таннай цане і з найбольш высокай якасцю, а таксама ў прасоўванні беларускіх тавараў да канчатковага спажыўца, выкарыстоўваючы магчымасці лагістыкі.

Варта адзначыць, што немалаважным аспектам пагаднення з’яўляюцца намеры кампаній ажыццяўляць прасоўванне беларускіх тавараў на міжнародных гандлёвых анлайн-пляцоўках. Таксама ў планах тандэма арганізацыя сумесных мерапрыемстваў, мэтай якіх стане павышэнне эфектыўнасці знешнеэканамічнай дзейнасці.

Акрамя таго, бакі маюць намер актыўна прыцягваць дадатковыя работы, шляхам пошуку найбольш эфектыўных і аптымальных рашэнняў у сферы лагістыкі і знешняга гандлю.

Варта нагадаць, што «Белмытсэрвіс» сёння прадастаўляе пакеты рашэнняў для бізнесу — ад кансультавання па пытаннях знешнеэканамічнай дзейнасці, атрымання дазвольных дакументаў, класіфікацыі тавараў, арганізацыі дастаўкі сыравіны і камплектуючых, іх мытнага афармлення да распрацоўкі лагістычных маршрутаў па экспарце гатовай прадукцыі і суправаджэння грузаў у любы пункт планеты. З 2016 года «Белмытнясэрвіс» актыўна развівае праекты ў рамках ініцыятывы «Адзін пояс, адзін шлях» па перавозцы грузаў чыгуначным транспартам у складзе арганізаваных кантэйнерных цягнікоў, з’яўляючыся адначасова грузаатрымальнікам і грузаадпраўшчыкам, аператарам і экспедытарам кантэйнерных цягнікоў.

Сяргей КУРКАЧ

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.