Прэзідэнт Беларусі Аляксандр Лукашэнка выказаў спачуванні родным і блізкім Анатоля Малафеева ў сувязі з яго смерцю. Аб гэтым паведамілі ў прэс-службе кіраўніка дзяржавы, перадае БелТА.
«Анатоль Аляксандравіч пражыў дастойнае і яркае жыццё. Як выдатны дзяржаўны дзеяч, аўтарытэтны кіраўнік, вопытны гаспадарнік, сапраўдны патрыёт сваёй краіны ён унёс важкі асабісты ўклад у станаўленне беларускай дзяржаўнасці, фарміраванне нацыянальнага заканадаўства, развіццё айчыннай эканомікі», — гаворыцца ў спачуванні.
Кіраўнік дзяржавы адзначыў, што ўласцівыя Анатолю Малафееву высокі прафесіяналізм, пачуццё абавязку, прынцыповасць і прыстойнасць здабылі яму заслужаныя прызнанне і павагу.
«Светлая памяць аб гэтым цудоўным чалавеку назаўсёды застанецца ў нашых сэрцах», — падкрэсліў Аляксандр Лукашэнка.
Фота БелТА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.