У дзяжурную частку Ганцавіцкага РАУС паступіла заява 33-гадовага мясцовага жыхара, які паведаміў аб здзейсненым у дачыненні да яго супрацьпраўным дзеянні: 25-гадовы знаёмы нанёс яму два ўдары ў вобласць твару і пашкодзіў яго аўтамабіль «Мэрсэдэс».
Праваахоўнікі ўстанавілі, што канфлікт паміж пацярпелым і падазраваным адбыўся паблізу ад адной з крам. Пры ўваходзе мужчыны сутыкнуліся плячыма, а калі пацярпелы паспрабаваў высветліць, у чым прычына такіх паводзінаў з боку знаёмага, той нанёс яму два ўдары рукой у вобласць твару. Адказваць пацярпелы не стаў, каб не развіваць канфлікт і накіраваўся ў бок гандлёвых прылаўкаў.
Як паведамляе аддзяленне інфармацыі і грамадскіх сувязяў УУС Брэсцкага аблвыканкама, здзейсніўшы пакупкі і выйшаўшы з крамы, заяўнік патэлефанаваў крыўдзіцелю па тэлефоне і прапанаваў сустрэцца, каб разабрацца ва ўзніклай сітуацыі. Калі апошні прыбыў на месца сустрэчы, то без тлумачэння прычын нанёс удар нагой у вобласць багажніка аўтамабіля, чым прычыніў матэрыяльны ўрон на суму 700 рублёў.
Следчымі дадзена прававая ацэнка дзеянням маладога чалавека, у дачыненні да яго распачата крымінальная справа за хуліганства.
Сяргей РАСОЛЬКА
Фота з сайта УУС Брэсцкага аблвыканкама
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
