Беларуская біятланістка Дынара Алімбекава стала другой у жаночым мас-старце на сёмым этапе Кубка свету, які завяршыўся ў італьянскім Антхольцы, паведамляе БелТА.
Да самага фінішу дыстанцыі працягласцю 12,5 км беларуска прэтэндавала на перамогу, але ў выніку саступіла пераможцы італьянцы Даратэі Вірэр 3,7 сек. пры адным стрэле міма. Італьянская біятланістка выйграла з вынікам 35 хв 58,7 сек., дапусціўшы два промахі на чатырох агнявых рубяжах.
Яшчэ адна беларуска Ганна Сола зарабіла 7 штрафных колаў і ў выніку апынулася толькі 26-й (+3 хв 06,4 сек.).
У сённяшняй мужчынскай эстафеце 4×7, 5 км зборная Беларусі заняла 12-е месца. Перамагла каманда Нарвегіі, другой фінішавала зборная Расіі, трэцяе месца занялі біятланісты Германіі.
Зараз вядучыя біятланісты планеты будуць рыхтавацца да галоўнага спаборніцтва сезона — XXIV зімовых Алімпійскіх гульняў у Пекіне.
Прэв’ю: БелТА
Гарры Мазураў мог выцягнуць лепшае ў вучня.
Якія загадкі нашага мозга пакуль не атрымліваецца разгадаць?
Старшыня Палаты прадстаўнікоў знайшоў час, каб даць эксклюзіўнае інтэрв’ю.
Беларускае таварыства дружбы і культурнай сувязі амаль стагоддзе займаецца папулярызацыяй духоўных і культурных здабыткаў.
