ДАІ рэкамендуе з-за галалёдзіцы па магчымасці адмовіцца ад паездак на асабістым транспарце. Аб гэтым паведамілі ў МУС, перадае БелТА.
«Сіноптыкі папярэджваюць аб неспрыяльных метэаралагічных з’явах. У найбліжэйшыя два дні на асобных участках дарог Рэспублікі захаваецца галалёдзіца. Месцамі чакаецца туман і галалёд, ападкі ў выглядзе дажджу і мокрага снегу. Дзяржаўтаінспекцыя рэкамендуе па магчымасці адмовіцца ад паездак на асабістым транспарце і скарыстацца грамадскім», — распавялі ў МУС.
Кіроўцам пры руху трэба быць вельмі ўважлівымі і асцярожнымі, выконваць хуткасны рэжым, бяспечную дыстанцыю і правілы праезду пешаходных пераходаў, пры магчымасці адмовіцца ад рызыкоўных манеўраў, абгонаў, апярэджанняў.
Для прыцягнення ўвагі ва ўмовах недастатковай бачнасці дарогі рэкамендуецца рухацца з уключаным блізкім святлом фар або дзённымі хадавымі агнямі.
Фота Маргарыты ПАЛЮХОВІЧ
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.