У Бабруйску пры пажары кватэры загінула пенсіянерка. Пра гэта паведаміла старшы інспектар Магілёўскага абласнога ўпраўлення МНС Вольга Нядобрых.
Трывожнае паведамленне аб пажары ратавальнікам паступіла 26 студзеня ў 01.43. Гарэла аднапакаёвая кватэра дзевяціпавярховага жылога дома па бульвары Прыбярэзінскім у Бабруйску. Па прыбыцці да месца выкліку пажарных з акна кватэры на 4-м паверсе ішоў дым, стварылася шчыльнае задымленне. Занепакоеныя суседзі паведамлялі, што ўнутры знаходзіцца чалавек.
На падлозе ў калідоры ратавальнікамі ў непрытомным стане знойдзена пенсіянерка 1936 года нараджэння. Выратаваць яе не ўдалося. Загінулая з дазволу гаспадара больш за 5 гадоў пражывала ў гэтай кватэры.
У выніку пажару на кухні пашкоджана маёмасць, закураны сцены і столь у кватэры. Эвакуацыя жыхароў пад’езда не праводзілася. Прычына пажару высвятляецца.
Паводле слоў супрацоўнікаў МНС, за мінулыя суткі ў Магілёўскай вобласці здарыліся 2 пажары — у Бабруйску і Бабруйскім раёне.
Фота: Магілёўскае абласное УМНС
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
