Вы тут

Пасля рамонту ў аўтамайстэрні аўтамабіль загарэўся. Прычыну ўстанаўлівалі ў УДКСЭ


Гродзенец вырашыў абследаваць сваё аўто «Chrysler Town & Country» 2007 года выпуску, бо заўважыў занадта вялікі расход паліва, а таксама пах бензіну ў салоне. Каб устанавіць прычыну і ліквідаваць яе наступствы, ён звярнуўся ў адну з аўтамайстэрняў абласнога цэнтра. Была ўстаноўлена няспраўнасць электроннага абсталявання. Пасля таго, як яе наладзілі, гаспадар забраў сваё аўто. Але праз некаторы час аўтамабіль загарэўся.


Фота УДКСЭ па Гродзенскай вобласці.

Гэта здарылася на паркоўцы гандлёвага цэнтра, куды мужчына прыехаў па пакупкі. Транспартны сродак загарэўся пры пуску рухавіка. Агонь ахапіў правую частку маторнага адсека. Пасля таго як у аўтамайстэрні не прызналі віну і не прынялі прэтэнзію, мужчына звярнуўся ў суд.

Галоўны эксперт упраўлення спецыяльных экспертыз УДКСЭ па Гродзенскай вобласці Ілья Крывіці паведаміў, што пасля правядзення судовай экспертызы ўстаноўлена, што прычынай узгарання стала крыніца агню альбо высокай тэмпературы, звязаная з разгерметызацыяй паліўнай сістэмы. У выніку гэтага паліва трапіла на бліжэйшыя вузлы і агрэгаты адсека, што прывяло да выпарвання паліва і далейшага ўзгарання паліўнага змесціва. Апраменьванне магло адбыцца ад электрычнай іскры. 

Такім чынам, іскавыя прэтэнзіі ўладальніка транспартнага сродку да аўтамайстэрні суд задаволіў і прызнаў спагнаць грашовыя сродкі за прычыненую шкоду. 

Па словах судэксперта, аўтамабілі нярэдка зяўляюцца абектамі пажару. Так, за мінулы год у Гродзенскай вобласці праведзена больш 200 пажарна-тэхнічных экспертыз, з якіх значная частка звязана менавіта з узгараннем саміх аўтамабіляў па прычынах няспраўнасці паліўнай сістэмы альбо аварыйнага рэжыму работы электрычнай сістэмы аўтамабіля.

Маргарыта УШКЕВІЧ

Выбар рэдакцыі

Грамадства

Як сэканоміць на «камуналцы»? Інструкцыя ад спецыялістаў

Як сэканоміць на «камуналцы»? Інструкцыя ад спецыялістаў

Хто мае права на вяртанне грошай, а хто — заплаціць цалкам.

Культура

Канкурсант ад Беларусі на «Віцебск-2022» Ганна Трубяцкая: Маладыя маюць права быць на вялікай сцэне

Канкурсант ад Беларусі на «Віцебск-2022» Ганна Трубяцкая: Маладыя маюць права быць на вялікай сцэне

Артыстка з чароўным голасам сёлета прадставіць Беларусь на конкурсе эстраднай песні «Віцебск—2022».

Грамадства

Як самі бацькі псуюць сваіх дзяцей? 5 галоўных памылак дарослых. Не рабіце так ніколі

Як самі бацькі псуюць сваіх дзяцей? 5 галоўных памылак дарослых. Не рабіце так ніколі

Выхаванне дзяцей — не самая простая задача. Капрызы, істэрыкі — гэта толькі частка праблем, з якімі сутыкаюцца сучасныя бацькі.

Грамадства

Рызыкі лічбавай прасторы. Як не трапіць на вуду інтэрнэт-махляроў

Рызыкі лічбавай прасторы. Як не трапіць на вуду інтэрнэт-махляроў

Цалкам вырашыць праблему кібернебяспекі немагчыма.