Мінчанін выкраў 380 л бензіну, выкарыстоўваючы паліўныя карты арэндных аўтамабіляў, паведамляе мінская міліцыя.
У Завадское РУУС звярнуўся прадстаўнік службы бяспекі сэрвісу кароткатэрміновай арэнды аўтамабіляў, які паведаміў аб крадзяжы паліва. Аператыўнікамі аддзела крымінальнага вышуку сумесна з супрацоўнікамі роты патрульна-паставой службы міліцыі быў затрыманы 24-гадовы работнік службы перавозкі пасажыраў, які выкарыстоўваў паліўныя карты ў сваіх інтарэсах.
«Малады чалавек арандаваў аўтамабілі, браў паліўныя карты, прыязджаў на аўтазаправачныя станцыі і прапаноўваў наведвальнікам АЗС заправіць іх аўто па карце. Вадзіцелі ахвотна згаджаліся, пасля чаго перадавалі мінчаніну неабходную суму грошай і запраўлялі свае транспартныя сродкі. Паліва мінчанін рэалізоўваў па цане, устаноўленай на АЗ. Усяго маладым чалавекам выкрадзена 380 л бензіну на агульную суму Br760. Раней мужчына ў поле зроку праваахоўнікаў не трапляў», — распавялі ў міліцыі.
Устаноўлена, што з-за гульнёвай залежнасці ў мужчыны ўтварыўся вялікі доўг, пагасіць які ён вырашыў за кошт кампаніі. Следчыя распачалі крымінальную справу за ўчыненне крадзяжу.
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.