Вы тут

Беларускія палярнікі павіншавалі краіну з Днём навукі і 100-годдзем беларускай акадэмічнай навукі


Ад імя ўдзельнікаў 14-й Беларускай антарктычнай экспедыцыі яе начальнік Аляксей Гайдашоў даслаў віншаванне з Днём навукі і 100-годдзем беларускай акадэмічнай навукі ўсім вучоным, даследчыкам і работнікам навуковай сферы краіны:


Фота: НАН Беларусі.

«Паважаныя калегі, дарагія сябры!

Прыміце самыя шчырыя і цёплыя віншаванні ад каманды 14-й Беларускай антарктычнай экспедыцыі са знамянальнымі для нашай краіны падзеямі — 100-гадовым юбілеем беларускай акадэмічнай навукі, юбілеем першага Нацыянальнага навукова-даследчага цэнтра і Днём беларускай навукі!

100 гадоў таму была створана першая дзяржаўная навуковая ўстанова рэспублікі — Інстытут беларускай культуры, што стала пунктам адліку гісторыі станаўлення і развіцця нацыянальнай акадэмічнай навукі.

За векавую гісторыю беларуская навука ўзбагаціла свет цэлай плеядай выбітных вучоных, адкрыццямі сусветнага значэння, дзіўнымі вынаходкамі і сучаснымі тэхналогіямі, аказала вялікі ўплыў на развіццё нашага грамадства і краіны ў цэлым.

Сучаснае пакаленне беларускіх вучоных паспяхова працягвае і развівае слаўныя традыцыі сваіх папярэднікаў. Ваша праца і бясцэнны багаж ведаў з’яўляюцца асновай дабрабыту і дзяржаўнасці нашай краіны, чыё існаванне немагчыма ўявіць сабе без навукова-тэхнічнага развіцця.

Юбілейны год нацыянальнай акадэмічнай навукі мы сустракаем у Антарктыцы новымі навуковымі і тэхнічнымі дасягненнямі — паспяхова рэалізуецца нацыянальная праграма навуковых даследаванняў і міжнародныя праекты, укараняюцца сучасныя прыборныя комплексы і вымяральныя сістэмы, створаныя беларускімі вучонымі, уведзены ў эксплуатацыю новыя сродкі транспарту і сувязі, праводзіцца комплекс інжынерна-тэхнічных работ па падрыхтоўцы першай чаргі Беларускай антарктычнай станцыі да яе пераходу на круглагадовае функцыянаванне.

Рэалізацыя праектаў такога маштабу і ўзроўню пад сілу толькі той краіне, якая праводзіць паслядоўную палітыку міру і згоды, клапоціцца аб перспектыве свайго дынамічнага развіцця і інтэлектуальнага прагрэсу, мае багаты навуковы патэнцыял і працавіты народ! Навука — гэта тое, што паднімае нашы галовы вышэй, а праца навукоўца — заўсёды цікавая, нялёгкая праца, якая ва ўсе часы, нягледзячы ні на што, выклікае глыбокую павагу.

Дзякуй вам за адданасць навуцы, за вашу актыўную, мэтанакіраваную працу, за ўклад у айчынную і сусветную навуку!

Няхай навука ў нашай краіне развіваецца і цягне за сабой усё больш і больш таленавітых, вынаходлівых, мэтанакіраваных людзей, а Ваша высакародная праца не застанецца незаўважанай і будзе адзначана па заслугах усеагульным прызнаннем!

Жадаем вялікіх мэт і імкненняў, вялікіх магчымасцяў і прарываў, адважных ідэй і ўчынкаў, геніяльных думак і адкрыццяў, міру, дужага здароўя і шчасця!

У гонар 100-гадовага юбілею беларускай акадэмічнай навукі на флагштоках нацыянальнай даследчай станцыі ў Антарктыдзе ўзняты дзяржаўны флаг Рэспублікі Беларусь і флаг лідара перадавой навуковай думкі нашай краіны — Нацыянальнай акадэміі навук Беларусі.

Каманда 14 Беларускай антарктычнай экспедыцыі:

  • Начальнік БАЭ Аляксей Гайдашоў
  • Начальнік базы Аляксей Хаткевіч
  • Галоўныя спецыялісты: Уладзімір Несцяровіч, Артур Івашка
  • Урач-хірург Сяргей Пунінскі
  • Вядучыя спецыялісты: Аляксандр Абатурын, Мікалай Зінькевіч, Ягор Корзун, Сяргей Люты, Ігар Аляксееў, Юрый Падшывалаў».

Надзея НІКАЛАЕВА

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.