Вы тут

У музеі гісторыі ВАВ ушанавалі памяць Зінаіды Партновай і Васіля Маргелава


Экспазіцыя музея гісторыі Вялікай Айчыннай вайны дадалася бюстамі двух герояў Савецкага Саюза — Васілія Маргелава і Зінаіды Партновай. Экспанаты ў музей перадаў праект «Алея Расійскай славы» пры падтрымцы мясцовага дабрачыннага фонду імя Аляксея Талая. На ўрачыстай цырымоніі перадачы прысутнічалі прадстаўнікі ўлады, курсанты Мінскага сувораўскага вучылішча, ветэраны, іх дзеці і ўнукі. Сімвалічна, што ў цырымоніі ўдзельнічалі школьнікі, чые эсэ ўвайшлі ў калекцыйнае выданне «Жывая памяць удзячных пакаленняў». 


«Дзякуючы нашым ветэранам і нашаму падрастаючаму пакаленню, мірнае неба над Беларуссю ў надзейных руках. Сёння трэба казаць гістарычную праўду, і музеі закліканы займацца гэтай справай. Мы ўмеем гэта рабіць. Галоўнае, каб нас чулі, тыя, хто сёння спрабуе сказіць гістарычную праўду. Мы гэтага не дазволім. У нас сёння для праўды ёсць усё, і самае галоўнае — наша гісторыя і жаданне захаваць мір у нашай краіне», — падкрэсліў міністр культуры Беларусі Анатоль Маркевіч. 

Дабрачынны фонд Аляксея Талая ў 2021 годзе ініцыяваў праект «Дзеці незалежнай Беларусі — ветэранам і будучым пакаленням» Жамчужына праекта — зборнік дзіцячых эсэ аб вайне «Жывая памяць удзячных пакаленняў». Выданне на 45 тамоў стала самым вялікім зборнікам дзіцячых эсэ ў свеце. Напачатку студзеня падчас уручэння прэміі «За духоўнае адраджэнне» Аляксей Талай падарыў выданне Прэзідэнту Рэспублікі Беларусь. Некаторыя эсэ прысвечаны Зінаідзе Партновай і Васілю Маргелаву, лёсы якіх звязаны з Беларусю. «Для нас вялікі гонар унесці свой уклад у год гістарычнай памяці ў Беларусі, і пачаць яго менавіта з ушанавання Васіля Маргелава і Зінаіды Партновай. Я ведаю, што ў вас напісана шмат дзіцячых эсэ пра вайну. І гэта вельмі важна. Калі мы не забудзем тыя падзеі, не забудзем тых герояў, у нас не будзе вайны», — адзначыла Аксана Бондарава, кіраўнік расійскага праекта «Памяць народа ў імя міру». 

Аляксей Талай паабяцаў, што супрацоўніцтва з праектам «Алея Расійскай славы» будзе працягвацца. У першую чаргу, каб расказаць маладому пакаленню праўду пра тую страшную вайну. «Дзякуй Богу, што наша моладзь бачыла вочы сваіх дзядоў і прадзедаў, і яны змаглі расказаць ім, што такое вайна. У нас падрыхтавана 45 тамоў эсэ. Дзеці сучаснай Беларусі ўжо пішуць гісторыю, захоўваюць памяць пра тую вайну. Мы будзем і можам ганарыцца перамогай у самай кровапралітнай вайне чалавецтва. Гэта ніколі не павінна быць забыта, вечны агонь павінен гарэць усюды. Гэтая дзяўчынка Зіна Партнова змагалася за тое, каб я жыў, каб жылі мае дзеці. Таму для мяне вялікі гонар ушанаваць яе памяць менавіта ў Беларусі. Многія гарады і весі чакаюць манументаў, помнікаў, куды бацькі будуць прводзіць сваіх дзяцей і перадаваць маладому пакаленню той вопыт, дзякуючы якому наш народ выстаяў. Мы прачнуліся, мы бярорм сітуацыю ў свае рукі. І сваю краіну мы нікому не аддазім», — заявіў Аляксей Талай. Ён звярнуў увагу, што захаванне гістарычнай памяці замацоўваецца на самым высокім узроўні — у Канстытуцыі: «Я заклікаю ўсіх прыйсці на рэферэндум і замацаваць нашу Айчыну, прыняўшы змяненні і дапаўненні ў Канстытуцыю». 

Валерыя СЦЯЦКО

Фота аўтара

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Зоркі абяцаюць шмат прыемных момантаў і добрых навін для Блізнятаў.

Памяць

Партызанскі ўнёсак у «Баграціён»

Партызанскі ўнёсак у «Баграціён»

Беларуская наступальная аперацыя пачалася 23 чэрвеня 1944 года.