Валейбалісткі «Енісея» перамаглі краснадарскае «Дынама» ў расійскай суперлізе

Валейбалісткі краснаярскага «Енісея» адолелі краснадарскае «Дынама» з лікам 3:2 у дамашнім матчы 16-га тура расійскай суперлігі, паведамляе БелТА.

Сустрэчу ў Краснаярску гаспадыні пачалі няўдала, прайграўшы дзве партыі — 18:25 і 21:25. Аднак сібірачкі здолелі пераламаць ход паядынку і, выйграўшы тры сэты запар — 25:21, 25:23 і 15:13, вырвалі перамогу.

Сёння павінны былі прайсці яшчэ чатыры матчы, але яны былі перанесены з-за каранавірусных праблем. Па гэтай жа прычыне быў адменены ўчорашні гасцявы паядынак валейбалістак «Мінчанкі» і ніжагародскай «Спарты».

Наступную гульню ў расійскай суперлізе чэмпіёнкі Беларусі павінны правесці 5 лютага на сваёй арэне супраць падмаскоўнага клуба «Зарэчча» з Адзінцова. У 15 папярэдніх гульнях падапечныя Станіслава Салікава атрымалі пяць вікторый, пацярпеўшы дзесяць паражэнняў. Набраўшы 16 ачкоў, «Мінчанка» займае 9-е месца ў турнірнай табліцы сярод 14 удзельнікаў расійскага чэмпіянату. Лідзіруе Казанскі клуб «Дынама-Ак Барс», які набраў 41 ачко ў 15 праведзеных сустрэчах. Па 36 балаў маюць Калінінградскі «Лакаматыў» і маскоўскае «Дынама».

Прэв’ю: pexels.com