Учора старшыня Пастаяннай камісіі Савета Рэспублікі па адукацыі, навуцы, культуры і сацыяльным развіцці Віктар Лісковіч наведаў Магілёўскую вобласць і сустрэўся з жыхарамі Бялыніцкага раёна з тым, каб на ўласныя вочы ўбачыць сутнасць аргументаў, прыведзеных у лісце.
Для дэталёвага вывучэння сітуацыі сенатар сумесна з прадстаўнікамі міністэрства адукацыі, галоўнага ўпраўлення па адукацыі Магілёўскага аблвыканкама і Бялыніцкага райвыканкама правёў нараду па пытаннях функцыянавання ўстановы адукацыі з выездам на месца.
У прыватнасці, бацькоў, педагагічную грамадскасць, мясцовых жыхароў вёскі Малы Кудзін хвалюе пытанне ліквідацыі базавай школы. Рашэнне аб яе закрыцці было прынята ў лістападзе мінулага года Бялыніцкім райвыканкамам у сувязі з аварыйным станам школы (гаворка датычылася разбурэння яе апорных канструкцый). Безумоўна, адукацыйны працэс ад гэтага не спыніцца, яго вырашана арганізаваць на базе Галоўчынскай сярэдняй школа гэтага ж раёна.
— Школа у нашым жыцці адыгрывае вялікую ролю. Тут мы атрымліваем усе неабходныя веды, дзякуючы якім вызначаемся з будучай прафесіяй, знаходзім сваё месца ў жыцці, — падкрэсліў значнасць установы адукацыі ў жыцці кожнага чалавека Віктар Лісковіч.
Ён падкрэсліў: закрыццё ў вёсках малакамплектных школ заўсёды праходзіць вельмі балюча, прычым як для саміх дзяцей і іх бацькоў, так і для педагогаў.
— Усё ж такі школа застаецца адукацыйным і культурным цэнтрам жыцця вяскоўцаў, — лічыць ён.
Тым не менш сенатар акцэнтуе ўвагу на тым, што пытанні забеспячэння бяспечных умоў знаходжання дзяцей ва ўстановах адукацыі прыярытэтныя ў дзяржаўных структур.
— У нашай краіне паняцці «ўстанова адукацыі» і «бяспека» па-ранейшаму стаяць у адным шэрагу. Так было, ёсць і будзе. І мы па праве гэтым ганарымся. Бацькі не павінны баяцца за сваіх дзяцей, адпраўляючы іх у дзіцячы садок, школу ці каледж, — падкрэсліў сенатар.
Як паведамілі ў профільнай камісіі, пытанне застаецца на кантролі Савета Рэспублікі, будзе і ў далейшым дэталёва прапрацоўвацца з зацікаўленымі бакамі.
Вольга АЛЯКСАНДРАВА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
