У Магілёўскім Беларуска-Расійскім універсітэце адкрылася перадавая вучэбна-практычная лабараторыя

У Магілёўскім Беларуска-Расійскім універсітэце адкрылася перадавая вучэбна-практычная лабараторыя «BRU-BOSCH Diagnostics». 

БРУ гэта той універсітэт, дзе рыхтуюць высокакласных спецыялістаў для айчыннага аўтапрама. Таму тут заўсёды імкнуцца ісці ў нагу з сучаснымі тэхналогіямі. Вось і зараз ён стаў першай у краіне ВНУ, дзе адкрылася лабараторыя вядомага лідара па вытворчасці арыгінальнага аўтамабільнага абсталявання BOSCH. Яна зявілася дзякуючы доўгатэрміноваму супрацоўніцтву кафедры «Тэхнічная эксплуатацыя аўтамабіляў» і фірмы ТАА «Роберт БОШ».

Лабараторыя аснашчана сучасным абсталяваннем і стэндамі па дыягнаставанню сістэмы сілкавання інжэктарнага рухавіка, гідраўлічнай тармазной сістэмы з ABS, праверцы і ачыстцы бензінавых фарсунак. Тут ўстаноўлены сканер і матор-тэстар фірмы BOSCH з навучальнай ліцэнзіяй на поўны пакет спецыялізаванай праграмы для дыягнаставання і тэхнічнага абслугоўвання аўтамабіляў.

— Унікальнасць лабараторыі ў тым, што тут , па сутнасці, адбыўся стык сучаснай адукацыі і сучаснай вытворчасці, — канстатаваў рэктар БРУ Міхаіл Лусцянкоў. — Фірма «Роберт Бош» вядома тым, што распрацоўвае ўнікальнае абсталяванне ў вобласці дыягностыцы аўтатранспарту. І нашы студэнты будуць засвойваць матэрыял па сучасных методыках, якія прымяняюцца ва ўсім свеце. Мы рыхтуем інжынераў, якія будуць займаюцца рамонтам, эксплуатацыяй, дыягностыкай аўтамабільнага абсталявання. 

Рэктар адзначыў, што ўніверсітэт знаходзіцца ў праекце «Універсітэт 3.0» і лабараторыя дапаможа не толькі павысіць якасць падрыхтоўкі спецыялістаў, але і стане добрай пляцоўкай для правядзення навуковых даследаванняў па распрацоўцы і эксплуатацыі аўтамабільнага транспарту. Акрамя гэтага, павышаецца кваліфікацыя саміх выкладчыкаў, яны прайшлі навучанне ў цэнтрах БОШ, атрымалі сертыфікат і гатовы падзяліцца перадавымі методыкамі са студэнтамі. 

— Наогул Беларуска-Расійскі ўніверсітэт аснашчаны самым сучасным абсталяваннем па шмат якіх кірунках, — падкрэсліў кіраўнік ВНУ. — Аўтамабільны кірунак, які звязаны з распрацоўкай аўтатранспарту і яго эксплуатацыяй, знаходзіцца ў прыярытэце. Мы даўно і плённа супрацоўнічаем з такімі гігантамі беларускага аўтамабілебудавання як БелАЗ, МАЗ, МТЗ. Лічу, што мы рыхтуем годных спецыялістаў не толькі для Беларусі, а і Саюзнай дзяржавы. 

Тыя кампетэнцыі, якія атрымаюць выпускнікі ўніверсітэта на базе вучэбна-практычнай лабараторыі, сёння вельмі запатрабаваныя наймальнікамі. У новай лабараторыі студэнты будуць вывучыць методыкі дыягнаставання, выяўлення няспраўнасцяў, тэхнічнага абслугоўвання і рамонту аўтамабіля і яго сістэм. 

Студэнт трэцяга курса Уладзіслаў у захапленні ад магчымасцяў новай лабараторыі. 

— Вельмі сурёзнае абсталяванне, самыя сучасныя тэхналогіі, — ацаніў ён. — Усё гэта вельмі дапамагае развівацца. Тэхналогіі і аўтамабілі не стаяць на месцы , хочацца даведвацца пра нешта новае, каб быць у курсе новых распрацовак. Будзе карысна прайсці падрыхтоўку на такім перадавым абсталяванні.
Лабараторыя будзе таксама выкарыстоўвацца ў якасці пляцоўкі для правядзення семінараў і майстар-класаў спецыялістамі фірмы «Роберт Бош».

Нэлі ЗІГУЛЯ

Фота аўтара