Прэзідэнты Беларусі і Расіі Аляксандр Лукашэнка і Уладзімір Пуцін 19 лютага прынялі ўдзел у трэніроўцы па кіраванні Узброенымі Сіламі Расіі, падчас якой прайшло вучэнне сіл стратэгічнага стрымлівання, паведамляе БелТА.
Кіраўнікі дзяржаў сачылі за вучэннямі з Сітуацыйнага цэнтра Прэзідэнта Расіі ў Крамлі.
Як далажыў прэзідэнтам міністр абароны Расіі Сяргей Шайгу, у час вучэння адпрацоўваюцца пытанні кіравання ядзернай зброяй і зброяй павышанай патэнцыйнай небяспекі. Паводле яго слоў, да манеўраў прыцягнуты падраздзяленні Паветрана-касмічных сіл, Паўднёвай ваеннай акругі, Ракетных войскаў стратэгічнага прызначэння, Паўночнага і Чарнаморскага флатоў.
Начальнік Генеральнага штаба Узброеных Сіл Расіі Валерый Герасімаў у сваю чаргу далажыў, што асноўная мэта манеўраў — адпрацоўка дзеянняў стратэгічных наступальных сіл па нанясенні гарантаванай паразы саперніку.
У час вучэння былі здзейснены пускі гіпергукавых ракет авіяцыйнага ракетнага комплексу «Кінжал» і гіпергукавых супрацькарабельных крылатых ракет «Цыркон». Задачы, прадугледжаныя падчас правядзення вучэння сіл стратэгічнага стрымлівання, выкананы ў поўным аб’ёме, усе ракеты паразілі прызначаныя цэлі, пацвердзіўшы зададзеныя характарыстыкі.
Фота прэс-службы Прэзідэнта РФ, БелТА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
