Вы тут

Змяненні і дапаўненні ў Канстытуцыю падтрымалі 82,86 % грамадзян, якія прагаласавалі


Папярэднія вынікі рэспубліканскага рэферэндуму падчас прэс-канферэнцыі агучыў старшыня Цэнтральнай камісіі па выбарах і правядзенні рэспубліканскіх рэферэндумаў Ігар Карпенка.


Фота: БелТА

— У адпаведнасці з артыкулам 121 Выбарчага кодэкса Рэспублікі Беларусь, рашэнне аб змяненнях і дапаўненнях у Канстытуцыю лічыцца прынятым, калі за яго прагаласавала большасць грамадзян, унесеных у спісы для галасавання, — акцэнтаваў увагу кіраўнік Цэнтрвыбаркама. — Агульная колькасць грамадзян, унесеных у спісы ўдзельнікаў рэферэндуму, склала 6 815 667 чалавек. У галасаванні прыняў удзел 5 359 471 грамадзянін, або 78,63 % (гэта значыць больш чым палова ад унесеных у спісы). Такім чынам, рэспубліканскі рэферэндум адбыўся.

За прыняцце змяненняў і дапаўненняў да Канстытуцыі Рэспублікі Беларусь прагаласавала 4 440 813 грамадзян, што склала 82,86 %, або 65,16 % ад унесеных у спісы для галасавання. «Супраць» прыняцця змяненняў і дапаўненняў прагаласавала 686 165 удзельнікаў рэферэндуму, што складае 12,8 % ад тых, што прагаласавалі, або 10,07 % ад унесеных у спісы для галасавання. Як паведамілі ў Цэнтральнай камісіі, канчатковыя вынікі рэферэндуму будуць падведзены 3 сакавіка. 

За правядзеннем рэферэндуму назірала 195 міжнародных і 45701 нацыянальны назіральнік. «У ЦВК ад назіральнікаў не паступала інфармацыі аб парушэннях заканадаўства аб рэферэндуме, — паведаміў старшыня Цэнтральнай камісіі па выбарах і правядзенні рэспубліканскіх рэферэндумаў. — Мы чакаем канчатковых заяў ад назіральных місій па выніках іх работы, маніторынгу падрыхтоўкі і правядзення рэспубліканскага рэферэндуму».

Па словах Ігара Карпенкі, за перыяд падрыхтоўкі і правядзення рэферэндуму ў Цэнтрвыбаркам паступіла каля 700 зваротаў грамадзян. «Асноўная маса зваротаў датычылася ўдакладнення звестак у спісах удзельнікаў рэферэндуму, магчымасці прагаласаваць не па месцы рэгістрацыі, пераліку дакументаў, па якім можна было атрымаць бюлетэнь для галасавання, — удакладніў ён. — Усе пытанні вырашаліся аператыўна, грамадзянам былі дадзены тлумачэнні, аказана неабходная дапамога».

У ходзе рэферэндуму былі зафіксаваныя некаторыя правакацыі і спробы перашкодзіць яго правядзенню. «У асноўны дзень правядзення рэферэндуму асобныя дэструктыўныя Telegram-каналы сталі распаўсюджваць інфармацыю з заклікамі сарваць рэферэндум, знішчаць бюлетэні, выходзіць на ўсялякага роду незаконныя акцыі, мітынгі і пікеты, — заўважыў кіраўнік Цэнтрвыбаркама. — Акрамя таго, паступалі пагрозы ў адносінах да членаў камісій. Нягледзячы на ўсе спробы дэструктыўных сіл і дзякуючы зладжанаму механізму ўзаемадзеяння ўсіх зацікаўленых асоб, рэспубліканскі рэферэндум быў праведзены ў адпаведнасці з дзейнічаючым заканадаўствам і без пэўных здарэнняў». 

Ігар Карпенка падзякаваў усім грамадзянам, якія прынялі ўдзел у рэспубліканскім рэферэндуме, праявілі сваю грамадзянскую пазіцыю. Асаблівыя словы ўдзячнасці ён адрасаваў членам камісій па рэферэндуму, прадстаўнікам праваахоўных органаў, ратавальнікам, урачам, якія забяспечвалі бяспеку падчас правядзення рэферэндуму, а таксама шматлікім назіральнікам і сродкам масавай інфармацыі, якія асвятлялі найважнейшую грамадска-палітычную падзею краіны.

Вераніка КАНЮТА

Выбар рэдакцыі

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі. 

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.