Вы тут

БЧ адкрыла больш за 50 дадатковых кас і імкнецца аднавіць працу электронных сэрвісаў


Беларуская чыгунка адкрыла больш за 50 дадатковых кас па продажы праязных дакументаў, паведамілі БелТА ў прэс-цэнтры БЧ.


«БЧ дадаткова адкрыла больш за 50 білетных кас на пасажыраўтваральных станцыях, каб задаволіць попыт на афармленне праязных дакументаў. Усяго ў цяперашні час на сетцы БЧ набыць квіткі на цягнікі з нумараванымі і ненумараванымі месцамі можна ў 560 касах на чыгуначных вакзалах, а таксама асобных станцыях і прыпыначных пунктах», — распавялі ў прэс-цэнтры.

Так, у Мінску і прыгарадзе праязныя дакументы на цягнікі з нумараванымі месцамі, акрамя вакзала станцыі Мінск-Пасажырскі, можна набыць на наступных станцыях і прыпыначных пунктах: Мінск-Усходні, Мінск-Паўднёвы, Мінск-Паўночны, Курасоўшчына, Лошыца, Лебядзіны, Масюкоўшчына, Ждановічы, Мачулішчы. Праязныя дакументы на цягнікі з ненумераванымі месцамі таксама можна аформіць праз тэрміналы самаабслугоўвання. Толькі ў сталіцы і прыгарадзе ўстаноўлена больш за 40 тэрміналаў. У продажы дастаткова праязных дакументаў на цягнікі міжнародных, міжрэгіянальных і рэгіянальных ліній.

«Продаж квіткоў праводзіцца не толькі ў дзень адпраўлення цягніка. Так, на цягнікі міжнародных ліній праязныя дакументы можна набыць за 60 сутак да адпраўлення цягніка. На цягнікі міжрэгіянальных ліній — за 45 сутак, на цягнікі рэгіянальных ліній бізнес-класа — за 20, на цягнікі гарадскіх ліній і рэгіянальных ліній эканомкласа — за 10», — падкрэслілі ў БЧ.

Для пасадкі ў цягнік па раней аформленых праязных дакументах з электроннай рэгістрацыяй пасажыру патрабуецца прад’явіць толькі дакумент, які сведчыць асобу.

Беларуская чыгунка прымае ўсе меры, каб аднавіць працу электронных сэрвісаў па продажы праязных дакументаў і просіць пасажыраў з разуменнем паставіцца да сітуацыі.

Дадатковую інфармацыю можна атрымаць у кантакт-цэнтры БЧ па тэлефоне 105. Падтрымка пасажырам, якія знаходзяцца па-за межамі Беларусі, аказваецца па тэлефоне (+375 22) 239-25-47.

Прэв’ю: pixabay.com

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.