Вы тут

Рунец: Пазбаўленне нашых паралімпійцаў магчымасці выступаць — антыгуманны ўчынак


Такім меркаваннем падзялілася старшыня Пастаяннай камісіі Савета Рэспублікі па эканоміцы, бюджэце і фінансах: 


— Рашэнне Міжнароднага паралімпійскага камітэта аб недапушчэнні беларускіх і расійскіх спартсменаў-паралімпійцаў да ўдзелу ў алімпійскіх спаборніцтвах інакш як антыгуманным і нізкім учынкам не назавеш, — пераканана сенатар. 

Яна падкрэслівае: атлеты, якія сваім прыкладам дэманструюць мужнасць штодзённага пераадолення фізічных нягод, матывуюць вялікую колькасць людзей, сёння сутыкнуліся з несправядлівасцю заходніх функцыянераў ад спорту. 

— Іх пазбавілі магчымасці выступаць за сваю краіну, спаборнічаць пад яе дзяржаўным сцягам і ў выпадку перамогі — пачуць дзяржаўны гімн на медальным п’едэстале. Прычым такі крок калектыўны Захад распачаў у абыход нормаў і асноў чалавечай маралі, што знаходзіцца па-за межамі разумення адэкватнага чалавека, — упэўнена парламентарый. 

Таццяна Рунец канстатуе, што сёння мы становімся сведкамі таго, як цалкам палітызаванае рашэнне чыноўнікаў ад спорту становіцца прамым зневажаннем запаветаў П’ера дэ Кубертэна — ініцыятара сучасных Алімпійскі гульняў — гаворка пра тое, што спорт знаходзіцца па-за палітыкай. 

— Ва ўсе часы спорт выступаў аб’яднаўчым фактарам, здольным прымірыць на спартыўнай арэне народы, дзяржавы і цэлыя кантыненты, — нагадвае суразмоўніца і з жалем працягвае. — У цяперашняй сітуацыі ў наяўнасці нежаданне заходняй цывілізацыі пачуць голас розуму. Засталося толькі імкненне як мага больш балюча ўкусіць праціўніка. Гэта нізка і подла!

Сенатар упэўнена: такія дзеянні сведчаць аб агрэсіўнай пазіцыі заходняга свету ў адносінах да Саюзнай дзяржавы Беларусі і Расіі і падрываюць асновы ўсяго алімпійскага руху.

Вольга АНУФРЫЕВА

Фота БелТА

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.