Прэзідэнт Беларусі Аляксандр Лукашэнка павіншаваў беларусаў з Днём Канстытуцыі

Дарагія суайчыннікі!

Віншую вас з Днём Канстытуцыі.

У бягучым годзе гэта свята напоўнена асаблівым сэнсам. Сёння ўступаюць у сілу прынятыя на рэспубліканскім рэферэндуме канстытуцыйныя змяненні. Мы адкрываем новую главу нашай гісторыі — гісторыі сучаснай, накіраванай у будучыню Беларусі. Умацоўваючы прававы падмурак грамадства, ствараем для наступных пакаленняў надзейны механізм абароны спрадвечных каштоўнасцяў, нацыянальнай памяці і традыцыйнага ўкладу жыцця.

Беларусы зрабілі свой выбар, прадэманстраваўшы грамадзянскую сталасць, прыхільнасць да мірнага, стваральнага, эвалюцыйнага развіцця краіны.

Захаваўшы асновы суверэннай дзяржавы, якая гарантуе сацыяльную абароненасць грамадзян, мы ўдасканалілі інстытут народаўладдзя і стварылі сістэму кіравання, якая адпавядае выклікам нашага часу.

Разам нам давядзецца ў поўнай меры раскрыць патэнцыял абноўленага Асноўнага Закона ў мэтах умацавання адзінства народа, паспяховай самарэалізацыі кожнага чалавека, забеспячэння законнасці і правапарадку.

Перакананы, што, абапіраючыся на палажэнні Канстытуцыі, мы зробім нашу Беларусь яшчэ больш моцнай, прыгожай і шчаслівай краінай.

Жадаю ўсім здароўя, дабра, узаемаразумення, новых здзяйсненняў на карысць роднай Айчыны.

Прэзідэнт Рэспублікі Беларусь Аляксандр ЛУКАШЭНКА