Вы тут

Віктар Лісковіч: Роля моладзі ў развіцці краіны — неацэнная


На мінулым тыдні старшыня Пастаяннай камісіі Савета Рэспублікі па адукацыі, навуцы, культуры і сацыяльным развіцці, намеснік старшыні Нацыянальнай камісіі па правах дзіцяці Віктар ЛІСКОВІЧ правёў прыём непаўналетніх і іх законных прадстаўнікоў у адміністрацыі Кастрычніцкага раёна Гродна.


Як паведамілі ў профільнай камісіі Савета Рэспублікі, да сенатара па розных пытаннях звярнуліся навучэнцы адной з гродзенскіх сярэдніх школ, музычнага каледжа, бацька-выхавальнік дзіцячага дома сямейнага тыпу, маці падлетка.

У развіццё агучаных у ходзе прыёму прапаноў у бліжэйшы час парламентарый правядзе міжведамасныя нарады па пытаннях удасканалення дзейнасці дзіцячых дамоў сямейнага тыпу, музычных каледжаў, укаранення рэгіянальных патрыятычных ініцыятыў.

Падсумоўваючы вынікі правядзення прыёму, Віктар Лісковіч у гутарцы з журналістамі адзначыў: людзі прыйшлі з ініцыятывамі, якія можна ўкараняць у рэгіёнах і ў цэлым у краіне. 

— Я ўражаны такім становішчам у Гродне, якое склалася на прыёме непаўналетніх грамадзян і асоб, якія іх прадстаўляюць, — кажа сенатар і канкрэтызуе. — Прагучаў толькі адзін крытычны зварот, які датычыўся ўзаемаадносін паміж дарослымі і падлеткамі. Ды і тое, гэтае пытанне ўжо практычна вырашана. Усе астатнія хацелі данесці і агучыць свае прапановы, якія ўжо сёння апрабаваныя ў рэгіёнах і іх можна ўкараняць у рэспубліцы.

Як патлумачыў старшыня профільнай камісіі, усе прапановы накіраваны на патрыятычнае выхаванне насельніцтва, прычым не толькі дзяцей і моладзі, але і дарослых. 

— Было агучана пытанне аб падтрымцы таленавітай моладзі, — прыводзіць прыклад Віктар Лісковіч. — Аб дапамозе ў набыцці і выкарыстанні музычных інструментаў, каб дзеці маглі цалкам рэалізаваць свой талент. Падымаліся пытанні заахвочвання таленавітай моладзі. І сапраўды, трэба знайсці бонусы для заахвочвання тых, хто мае задаткі і хоча развівацца далей. Так, у самы бліжэйшы час на працоўных нарадах у зацікаўленых міністэрствах і ведамствах гэтыя прапановы будуць агучаныя, каб выпрацаваць канкрэтныя прапановы для далейшай іх рэалізацыі.

Таксама парламентарый звярнуў увагу на тое, што агучаныя на прыёме прапановы датычыліся фарміравання маладога чалавека, які ўвойдзе ў дарослае жыццё з актыўнай жыццёвай пазіцыяй. 

— Акрамя таго яны накіраваны на фарміраванне ўстойлівага меркавання ў маладога пакалення, якое фарміруе жаданне працаваць, развіваць рэгіён і свой горад, імкнуцца зрабіць свой унёсак у развіццё Беларусі. Гэта і ёсць патрыятызм. І роля моладзі ў развіцці краіны і фарміраванні каштоўнасцяў, якімі валодае наша грамадства, проста неацэнная, — рэзюмаваў старшыня Пастаяннай камісіі Савета Рэспублікі па адукацыі, культуры, навуцы і сацыяльным развіцці.

У тэму

У гэты ж дзень сенатар прыняў удзел у адкрытым дыялогу са студэнтамі Гродзенскага дзяржаўнага ўніверсітэта імя Янкі Купалы на тэму «Захоўваючы гісторыю—- будуем будучыню».

На сустрэчы са студэнцкім актывам парламентарый абмеркаваў пытанні ролі моладзі ў захаванні гістарычнай памяці беларусаў, іх ініцыятывы па грамадзянска-патрыятычным выхаванні насельніцтва Беларусі і іншыя.

— Мы разам кажам аб подзвігу нашага гераічнага народа, узгадваем трагічныя старонкі Вялікай Айчыннай вайны. Упэўнены, што над Беларуссю заўсёды будзе чыстае светлае неба. А страшныя ўрокі вайны мы ніколі не забудзем. Самае малое, што мы можам зрабіць, гэта захаваць памяць аб тых, хто загінуў дзеля нашага будучага, — адзначыў у звароце да моладзі Віктар Лісковіч.

У мерапрыемстве таксама прынялі ўдзел дэпутат Палаты прадстаўнікоў Лілія Кір’як, старшыня Гродзенскага гарадскога Савета дэпутатаў Барыс Фёдараў, рэктар ГрДу імя Янкі Купалы Ірына Кітурка.

Вольга АЛЯКСАНДРАВА

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.