Нарада пад кіраўніцтвам старшыні Савета Рэспублікі Наталлі Качанавай па пытаннях рэканструкцыі аб’ектаў Спаса-Ефрасіннеўскага стаўрапігіяльнага жаночага манастыра ў Полацку ў ходзе падрыхтоўкі да 900-годдзя манастыра адбылася сёння ў верхняй палаце парламента.
Удзельнікі абмеркавалі пытанне будаўніцтва трапезнай у Спаса-Еўфрасіннеўскім жаночым манастыры ў Полацку
У 2025 годзе святыня, заснаваная прападобнай Еўфрасінняй Полацкай, адзначыць 900-годдзе. Сярод шэрагу мерапрыемстваў, якія запланаваны ў межах святкавання юбілею, прадугледжана і будаўніцтва трапезнай.
Справа ў тым, што манахіні ажыццяўляюць прыём ежы ў драўляным старым будынку, які не толькі знаходзіцца ў дысанансе з архітэктурай манастыра, а яшчэ не адпавядае сучасным нарматывам і патрабаванням. Акрамя таго, у дрэнным стане пакоі, у якіх гатуецца ежа. Не можа ўмясціць у сябе цяперашняя трапезная і ўсю колькасць манахінь.
Узвядзенне новага будынка дазволіць дапоўніць комплекс манастыра, стварыць годныя ўмовы яго насельніцам, а таксама забяспечыць выкананне санітарных і тэхналагічных норм.
Будаўніцтва трапезнай стане адным з мерапрыемстваў святкавання 900-годдзя Спаса-Еўфрасіннеўскага жаночага манастыра. «Створаны арганізацыйны камітэт, вызначаны мерапрыемствы па правядзенні гэтай важнай падзеі ў нашай краіне, у гісторыі праваслаўя, — паведаміла старшыня Савета Рэспублікі Наталля Качанава. — Ёсць два аб’екты, якія патрабуюць і фінансавання, і дастаткова працяглага часу па адпрацоўцы: гэта будаўніцтва трапезнай і рэканструкцыя былога аддзялення сувязі пад гасцініцу. Трапезнай па сутнасці сёння ў манастыры няма, а там знаходзіцца 136 манахінь. Акрамя таго, трэба ўлічваць і супрацоўнікаў манастыра. Гэта дастаткова вялікая колькасць людзей, якая кожны дзень харчуецца. Прычым сюды прыязджае шмат пілігрымаў, проста прыходзяць людзі, якіх трэба накарміць. Манастыры спакон веку займаліся дабрачыннасцю і падтрымкай тых, каму гэта патрэбна».
Падчас нарады была пастаўлена задача — зрабіць таннейшым будаўніцтва аб’екта. У цяперашні час ажыццяўляецца распрацоўка праектна-каштарыснай дакументацыі. Як расказаў старшыня Полацкага райвыканкама Ігар Марковіч, завяршыць работы па будаўніцтве новай трапезнай плануецца ў снежні 2024 года. «Праектаваць трэба прыкладна на 170 пасадачных месцаў, — удакладніў ён. — Гэта павінен быць асобны корпус: папярэдне — крыху больш чым тры тысячы квадратных метраў. Патрэбны і дапаможныя памяшканні. 14 месяцаў патрабуе толькі будаўніцтва».
— Спаса-Еўфрасіннеўскі жаночы манастыр у Полацку — гэта калыска праваслаўя ў нашай краіне, — адзначыў Упаўнаважаны па справах рэлігій і нацыянальнасцяў Аляксандр Румак. — Вельмі важна сустракаць гэты юбілей у самым старым манастыры нашай краіны. Менавіта ў Полацку ўзнікла праваслаўе. Сёлета адзначаецца 1030-годдзе Полацкай епархіі. У Год гістарычнай памяці мы яшчэ раз падкрэсліваем тую ролю, якую іграе наша дзяржава ў захаванні нашых святыняў, культурнай спадчыны беларускага народа.
Аляксандр Румак заўважыў, што нашы духоўныя святыні з’яўляюцца яшчэ і аб’ектамі рэлігійнага турызму: сюды прыязджае вельмі шмат пілігрымаў — не толькі са шматлікіх куткоў Беларусі, а і з Расійскай Федэрацыі, іншых дзяржаў. Менавіта ў супрацоўніцтве дяржавы і рэлігійных арганізацый, па яго словах, ажыццяўляюцца меры па захаванні і развіцці нашай культуранай спадчыны.
Вераніка КАНЮТА
Фота: БелТА
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.