Вы тут

Да нас зазірнула кароткая зіма


І пачатак красавіка ў Беларусі часам паказвае, што другі месяц вясны бывае капрызны. Учора мы прачнуліся, а на дварэ снег. Ды і холадна неяк, таму што тэмпература паветра ўначы дасягае часам 10 марозу, паведамляюць спецыялісты Рэспубліканскага цэнтра гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.


А ў першы дзень красавіка ўмовы надвор’я ў Беларусі будуць вызначаць маларухомыя атмасферныя франты. Таму ў пятніцу воблачна з праясненнямі. Уначы па паўднёвай палове, удзень на большай частцы тэрыторыі краіны пройдуць сур’ёзныя ападкі. Будзе назірацца снег, мокры снег і дождж, удзень па Брэсцкай вобласці месцамі чакаецца моцны мокры снег. Раніцай месцамі слабы галалёд. На асобных участках дарог галалёдзіца. Вецер паўночна-заходні парывісты, удзень месцамі моцны парывісты. Максімальная тэмпература паветра складзе ад плюс 1 градуса да 7 цяпла. Атмасферны ціск будзе слаба падаць.

У суботу захаваецца ўплыў франтальных раздзелаў, якія звязаны з паўднёвым цыклонам і перамяшчаюцца да нас праз Украіну. Чакаецца воблачна, па паўночным захадзе краіны з праясненнямі. На большай частцы краіны пройдуць ападкі ў выглядзе снегу, мокрага снегу, па паўднёвым усходзе з дажджом. Месцамі чакаецца слабы галалёд, на дарогах галалёдзіца. Вецер паўночна-заходні парывісты, удзень месцамі моцны парывісты. Тэмпература паветра ўначы ад мінус 5 градусаў па паўночным захадзе да 3 цяпла па паўднёвым усходзе краіны. Удзень будзе ні тое ні сёе — ад нуля да плюс 6 градусаў.

Самы халодны дзень (дакладней ноч) красавіка наступіць у нядзелю. 3 красавіка тэрыторыя краіны будзе знаходзіцца ў полі паніжанага атмасфернага ціску, сфарміраванай у халоднай паветранай масе. У гэты дзень па паўднёвым усходзе краіны захаваецца ўплыў франтальнага падзелу. Будзе воблачна з праясненнямі. Уначы пераважна па паўднёва-ўсходняй палове краіны, а ўдзень па Гомельскай вобласці пройдзе кароткачасовы снег і мокры снег. На асобных участках дарог галалёдзіца. Вецер паўночна-заходні, паўночны ўмераны, уначы парывісты. Тэмпература паветра ўначы ад мінус 1 градуса да мінус 6 градусаў, пры праясненнях да 9 марозу. Удзень красавіцкае сонца разагрэе паветра ад нуля да 7 цяпла.

Сяргей КУРКАЧ

Выбар рэдакцыі

Здароўе

Новыя тэхналогіі супраць раку. Анколагі расказалі, як лечаць пацыентаў, якія раней лічыліся неперспектыўнымі

Новыя тэхналогіі супраць раку. Анколагі расказалі, як лечаць пацыентаў, якія раней лічыліся неперспектыўнымі

Вядучыя анколагі расказалі пра новыя метады лячэння, якія яшчэ нядаўна былі недаступныя, а сёння выратоўваюць жыцці пацыентам.

Грамадства

Як жывуць і каго чакаюць у госці жыхары адрэзанай вадой Палянаўкі

Як жывуць і каго чакаюць у госці жыхары адрэзанай вадой Палянаўкі

Працягваем сачыць за развіццём паводкавай сітуацыі.

Калейдаскоп

100 гадоў Леаніду Шчамялёву. Як добра вы ведаеце жыццё і творчасць мастака? Тэст

100 гадоў Леаніду Шчамялёву. Як добра вы ведаеце жыццё і творчасць мастака? Тэст

Леанід Дзмітрыевіч стаў сапраўдным класікам беларускага жывапісу.