Прэзідэнт Беларусі Аляксандр Лукашэнка і Прэзідэнт Расіі Уладзімір Пуцін 12 красавіка разам наведаюць касмадром «Усходні» ў Амурскай вобласці, перадае БелТА.
«Сустрэча ў даволі нечаканым месцы. 12 красавіка, у Дзень касманаўтыкі, прэзідэнты Расіі і Беларусі прыляцяць у Амурскую вобласць на касмадром “Усходні”. Лідары разам паглядзяць, як працягваецца будаўніцтва касмадрома, пагутараць з рабочымі. У плане таксама ўзнагароджанне касманаўтаў. І, што асабліва важна ў цяперашняй сітуацыі, сумесная прэс-канферэнцыя», — інфармуе тэлеканал «Расія 1».
Паведамляецца таксама, што гаворка пойдзе і пра сітуацыю вакол і ва Украіне: «Беларусь хацела б выступіць адным з гарантаў бяспекі. Гэтую ідэю падтрымлівае і Масква».
Дадатковымі падрабязнасцямі маючага адбыцца візіту Аляксандра Лукашэнкі ў Расію дзеліцца Telegram-канал «Пул першага». «Заўтра Лукашэнка адправіцца на Далёкі Усход Расіі. Вядома, што ён не толькі наведае касмадром “Усходні” (дзе ў аўторак пройдуць перамовы з Пуціным), але і пабывае ва Уладзівастоку. Туды Першы даўно збіраўся злятаць. Абяцаў губернатару Прыморскага краю прыехаць у госці. Сябруюць ужо шмат гадоў», — інфармуе рэсурс.
Прэв’ю: БелТА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
