Інфляцыя ў Беларусі ў сакавіку склала 6,1 працэнта

Індэкс спажывецкіх цэн на тавары і паслугі ў сакавіку ў параўнанні з лютым склаў 106,1 працэнта, са снежнем 2021 года — 109,4 працэнта, паведамілі ў Нацыянальным статыстычным камітэце.

Базавы індэкс спажывецкіх цэн, які выключае змяненне цэн на асобныя тавары і паслугі, якія схільныя да ўплыву фактараў адміністрацыйнага і сезоннага характару, у сакавіку ў параўнанні з лютым склаў 107 працэнтаў, са снежнем 2021 года — 109,3 працэнта.

Харчовыя тавары ў сакавіку падаражэлі на 4,2 працэнта ў параўнанні з лютым і на 7,6 працэнта ў параўнанні са снежнем 2021-га.

Цэны на нехарчовыя тавары выраслі на 10,8 працэнта ў параўнанні з лютым і на 12,1 працэнта ў параўнанні са снежнем 2021 года.

Паслугі ў параўнанні з лютым падаражэлі на 3,3 працэнта, у параўнанні са снежнем 2021-га — на 8,9 працэнта.