Вы тут

Сергеенка: Якасць пасяўной залежыць ад арганізаванасці кіраўнікоў на месцах


Тэмпы і якасць пасяўной кампаніі залежаць ад арганізаванасці кіраўнікоў на месцах. Такім меркаваннем з журналістамі падзяліўся кіраўнік Адміністрацыі Прэзідэнта Ігар Сергеенка па выніках абласной селектарнай нарады, прысвечанай пытанням аграпрамысловага комплексу і правядзення вясенніх палявых работ у Магілёўскай вобласці. Сустрэча праходзіла ў Быхаўскім райвыканкаме з удзелам усіх кіраўнікоў раёнаў, якія далучыліся да абмеркавання ў фармаце відэаканферэнцыі, перадае БелТА.


Паводле слоў Адміністрацыі Прэзідэнта, у Магілёўскай вобласці ёсць усё неабходнае для якаснага і своечасовага правядзення пасяўной кампаніі. «Нашы працаўнікі засумавалі па актыўнай рабоце і чакаюць, каб хутчэй можна было выйсці на ўзворванне, пасадку розных культур. Якіх-небудзь сур’ёзных пытанняў сёння не прагучала. Так, была крытыка ў адрас асобных кіраўнікоў раёнаў за недастатковую арганізацыю працы. Відавочна, што тэмпы і якасць работ будуць залежаць ад арганізаванасці, ад таго, наколькі змогуць кіраўнікі раёнаў, гаспадарак арганізаваць работу, зацікавіць людзей, матэрыяльна, маральна заахвоціць. Для гэтага ўсё робіцца: харчаванне, работа двухзменная, у начны час», — падкрэсліў Ігар Сергяенка.

Зацяжная вясна і неспрыяльнае надвор’е крыху запаволілі пачатак пасяўной: паводле даных Міністэрства сельскай гаспадаркі і харчавання на 11 красавіка, 13 з 21 раёна вобласці не выйшлі ў палі. Аднак, як адзначыў першы намеснік старшыні Магілёўскага аблвыканкама Анатоль Уласевіч, гэта не павінна паўплываць на якасць і своечасовасць праводзімых у палях работ. «Для падрыхтоўкі да вясенніх палявых работ з абласнога бюджэту выдзелена і затрачана Br132 млн, адрамантавана каля 2 тыс. адзінак тэхнікі. Гатоўнасць тэхнікі па раёнах вар’іруецца ў межах 95-100 працэнтаў, ёсць неабходны запас паліва. У дастатковай колькасці і ўгнаенняў. Запас азотных угнаенняў складае 40 працэнтаў, грошы для набыцця ёсць, угнаенні прадаўжаюць паступаць у вобласць. У мінулым годзе на асенняй пасяўной, на пад’ёме зябліва ўнеслі на 136 тыс. га калійныя ўгнаенні. Тое, што ўнесена вясной, — гэта дапаўненне да мінулых работ. Нашы арганізацыі цалкам забяспечаны насенным матэрыялам», — адзначыў ён.

Падключыліся да дапамогі аграрыям прадпрыемствы і арганізацыі рэгіёна: выдзелена 110 адзінак тэхнікі, на дапамогу адправіліся больш за 300 механізатараў.

Па выніках нарады Ігар Сергеенка выказаў упэўненасць, што, нягледзячы на капрызы надвор’я, пасяўная ў Магілёўскай вобласці пройдзе паспяхова. «Упэўнены, што пры той маштабнай арганізацыі, падрыхтоўчай рабоце, якая была зроблена Магілёўскім аблвыканкамам, усё павінна прайсці ў абазначаныя кіраўніком дзяржавы тэрміны», — падагульніў ён.

Пасля гэтага кіраўнік Адміністрацыі Прэзідэнта разам з памочнікам Прэзідэнта — інспектарам па Магілёўскай вобласці Леанідам Мартынюком і старшынёй Магілёўскага аблвыканкама Анатолем Ісачанкам прыняў удзел у пасяджэнні Быхаўскага райвыканкама, дзе разглядалася пытанне аб выніках развіцця раёна ў І квартале 2022 года.

Фота: БелТА

Выбар рэдакцыі

Грамадства

Захаваць. Нельга знесці

Захаваць. Нельга знесці

Знакі прыпынку нарэшце расстаўлены.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.