Вы тут

Прагматызм, канструктыўнасць і ініцыятыўнасць


Прагматызм, канструктыўнасць і ініцыятыўнасць — асноўныя прынцыпы старшынства Узбекістана ў ШАС, заявіў на брыфінгу «Узбекістан — ШАС: новыя грані стратэгічнага партнёрства» часовы павераны ў справах Рэспублікі Узбекістан у Беларусі Рахматула Назараў.


«Прагматызм, канструктыўнасць і ініцыятыўнасць — асноўныя прынцыпы старшынства Узбекістана. У рамках арганізацыі наша краіна вылучае шэраг актуальных ініцыятыў і прапаноў, якія садзейнічаюць узмацненню яе іміджу на міжнароднай арэне», — сказаў Рахматула Назараў.

Па словах часовага паверанага, за апошнія пяць гадоў адносіны Узбекістана да ШАС змянілася ў канструктыўным ключы — афіцыйны Ташкент удзельнічае ў супрацоўніцтве па ўсіх кірунках арганізацыі.

«Апошнія часы Узбекістан адкрыта заяўляе аб неабходнасці накіраваць гандлёвы патэнцыял ШАС на развіццё супрацоўніцтва ў такіх важных сферах, як транспарт, узаемасувязь, лагістыка, інавацыйнае і лічбавае развіццё, культура і народная дыпламатыя. Апошнім часам Узбекістан стаў адным з самых ініцыятыўных членаў ШАС. Гэта можна назваць вынікам стратэгіі, заснаванай на канструктывізме і прагматызме, іншымі словамі — імкненні ўзмацніць дзейнасць арганізацыі па важных кірунках і ўзбагаціць парадак дня», — падкрэсліў Рахматула Назараў.

На брыфінгу часовы павераны ў справах Рэспублікі Узбекістан у Беларусі прапанаваў пасольствам краін-членаў, назіральнікаў, партнёраў па дыялогу ў ШАС у Мінску арганізаваць клуб дзяржаў ШАС.

Адказваючы на пытанні журналістаў, Рахматула Назараў пракаментаваў магчымасці, якія адкрыў для Узбекістана статус назіральніка ў Еўразійскім эканамічным саюзе.

«Сам факт, што мы з’яўляемся дзяржавай-назіральніцай, пра многае кажа. Гэта падкрэслівае жаданне Узбекістана больш узаемадзейнічаць з усімі дзяржавамі — членамі ЕАЭС. Мы маем такі статус і спадзяёмся, што ў будучыні ўзаемадзеянне будзе пашырацца. Але сыходзіць будзем з нашых нацыянальных інтарэсаў, — адзначыў часовы павераны. — Гэта пляцоўка дае нам магчымасць у шматбаковым і двухбаковым фарматах абмяркоўваць пытанні. Хацеў бы падзякаваць беларускім партнёрам за тое, што ў свой час падтрымалі наданне нам статусу назіральніка ў гэтай арганізацыі».

Марыя ДАДАЛКА

Выбар рэдакцыі

Спорт

Віцэ-прэзідэнт НАК Дзмітрый Даўгалёнак: Спартсмены не хацелі страціць тую Алімпіяду

Віцэ-прэзідэнт НАК Дзмітрый Даўгалёнак: Спартсмены не хацелі страціць тую Алімпіяду

Пра сваё спартыўнае мінулае і цяперашняе наш герой расказаў «Звяздзе».

Культура

Эпоха Купалы: далёкая і незабытая. Дзе пабачыць аўтографы паэта і вершы ў патроннай гільзе?

Эпоха Купалы: далёкая і незабытая. Дзе пабачыць аўтографы паэта і вершы ў патроннай гільзе?

Наша размова ішла пра ўспрыманне спадчыны Песняра і падыходы да яе захавання.